Lífið í Derby

Nýtt líf...

2010-01-16T19:27:00.003Z

Það er svo djöfulli langt síðan ég bloggaði að ég mundi ekki hvernig ég átti að logga mig inn!

Ég er að flytja heim í bili. Kem í kringum 16. febrúar. Kvíði því ógurlega en hlakka samt til. Hlakka til að sjá alla fjölskylduna mína aftur og alla vini mína. Hlakka til að fá mér SS pylsur, American Style og Smörrebröd. Hlakka til að fara í Kolaportið. Hlakka til að upplifa íslenskt sumar á ný, útilegur og grill. Vona bara að rigningin haldi sér áfram hérna í UK eins og síðustu 3 sumur og ég fái að njóta hitans á Íslandi.

Stefni samt á að flytja aftur út í haust til að fara í master. Búin að finna nám í Bournemouth sem er ótrúlega spennandi og skemmir ekki fyrir að Bournemouth (og Poole þar sem að Campusinn er) er við sjóinn, gæti varla verið lengra frá hafi en hérna í Derby. Vona bara að ég komist inn, á eftir að sakna Englands svo mikið, erfitt að flytja frá stað sem að maður hefur kallað heimili sitt í 4 og hálft ár. 100x erfiðara en að flytja frá Íslandi upprunalega. Get lítið annað gert í stöðunni en veit ég mun hafa gott af því að endurhlaða batteríin á ástkæra ylhýra.

Hlakka til að sjá ykkur öll :)

Find me...

2009-04-23T22:20:00.001+01:00

http://www.derby.ac.uk/graduation/highlights-2009/videos/highlights#

Er reyndar mjög ólík mér þarna, en er þarna samt :)

Gúd lökk!!

Ekkert síðan í apríl?

2008-12-15T19:43:00.002Z

Erum við ekki að grínast? Hvar á ég að byrja....?

Ég er loksins orðin fullorðin, búin með námið og komin í fulla vinnu. Fékk vinnu hjá fyrirtæki sem heitir Scientifics, þar sem ég undirbý ýmis konar jarðvegssýni, olíur/fitur og annað skemmtilega furðulegt eins og sokka og linsur fyrir ólífræna efnagreiningu auk þess að framkvæma sumar efnagreiningar sjálf. Þokkalegt geek í labcoat með hlífðargleraugu að leika sér með sýrur. Ég elska vinnuna mína.

Elsku amma mín dó í sumar, þannig að ég kom í stutta ferð til Íslands. Matt kom nokkrum dögum eftir mér og við áttum æðislegan tíma á Íslandi, þrátt fyrir að ástæðan fyrir Íslandsförinni hafi verið sorgleg. Afskaplega gott að hitta alla fjölskylduna mína aftur og allar fallegu vinkonur mínar. Held að ég hafi bara þurft á þessari heimför að halda.

Útskriftin mín verður 23. janúar þar sem að ég fær að klæðast svona smart skykkju með hettu og svo hatt. Vá hvað ég hlakka til :)

Andleysið að fara með mig, er að reyna að horfa á Derby spila í sjónvarpinu, gerist ekki oft að Derby leikir séu sýndir í sjónvarpinu núna, skiljanlega. Allt of langt síðan ég bloggaði síðast svo að ég get ómögulega munað hvað ég hef gert af mér.

Jólin næstum því tilbúin, jólatréð komið upp og flestar jólagjafir komnar í hús en á eftir að pakka þeim inn. Geri það á Þorlák.

Ahh já, er orðin 28. Oj. Var nú samt beðin um skilríki daginn fyrir afmælið mitt. Þakkaði afgreiðsludrengnum fyrir og tilkynnti honum að ég væri að verða 28. Skemmtilegt að hann var ekki nema svona 18 ára.

...

Er ógeðslega fúl út í sjálfa mig að hafa ekki bloggað í 8 mán og að ég geti ekki munað allt það skemmtilega sem ég er búin að gera af mér. Blogga vonandi fyrir nýja árið, tek kannski annál ef ég man eitthvað frekar þá hvað ég er búin að vera að gera haha :)

Hlýtt og gott...

2008-04-22T15:28:00.002+01:00

Loksins smá hiti, man bara ekki eftir því hvenær ég fór síðast út úr húsi og mig langaði að fara úr jakkanum. Labbaði niður á pósthús og veðrið er geggjað. Vona svo innilega að þetta eigi eftir að vera hlýtt og gott sumar, er búin að fá mig fullsadda af rigningu og kulda.

Langaði eiginlega ekkert inn aftur eftir að hafa labbað niður á pósthús, en ákvað að gera það nú samt, þar sem að ég þarf að undirbúa morgundaginn. Þarf að verja ritgerðina mína og er í senn bæði spennt og kvíðin. Allra síðasti Forensic tíminn var í gær og við vorum öll eiginlega hálfskrítin eftir það, ótrúlega skrítið að hugsa til þess að skólinn er að verða búin og ég er að klára gráðuna mína. Ég hélt einhvern veginn alltaf að skólinn myndi bara vara endalaust! :) Frá og með 16. júní verð ég officially ekki lengur nemandi. Einkunnirnar koma inn í lok júní og þá getum við farið að titla okkur með BSc í Forensic Science. Útskriftin verður þó ekki fyrr en í janúar, hef ekki hugmynd um af hverju, en það hefur alltaf verið svoleiðis.

Ég er sem sagt að verða fullorðin.. ;)

Búin að vera að fylgjast með vinnum, fann eina sem er í svona 40 mín akstri frá mér en síðasti dagur til að skila inn umsókn er ekki fyrr en 30. júní. Ég held samt áfram að leita og vonast til að fá vinnu við eitthvað tengt náminu sem fyrst, skíthrædd um að þurfa að fara að vinna við eitthvað sem mig langar ekki til að vinna við og festast í því til frambúðar. Held að það hræði mig mest af öllu. Er í rauninni skíthrædd við framhaldið, það er allt svo óljóst og finnst maður hanga í lausu lofti. Finn vonandi eitthvað bitastætt bráðlega :)

Until next time people!

Kæru lesendur..

2008-03-31T17:49:00.002+01:00

Mér þykir afskaplega leitt hversu latur og lélegur bloggari ég er. Ég looooofa að reyna að vera virkari bloggari.

Derby er nú endanlega fallið úr úrvalsdeildinni. Þurfum samt ekki að örvænta, þar sem að þeir hafa spilað snilldarlega vel í síðustu tveimur heimaleikjum gegn Man Utd annars vegar og Fulham hins vegar. Man Utd leikurinn var klikkaður, hef aldrei fundið jafn rafmagnað andrúmsloft á leik áður. Að tapa 1-0 var mjög gott, og okkur var eiginlega nokk sama, sáum Derby spila frábærlega vel. Hefði samt verið gaman fá eitt stig úr leiknum en Ronaldo ætlaði sér að skora og honum tókst það. Spiluðum líka vel gegn Fulham um síðustu helgi og hefðum átt að vinna, en leikurinn endaði 2-2.

Búin að skila lokaritgerðinni. Hún er ekkert glæsileg, fullt af hlutum sem ég hefði viljað bæta við en hafði ekki tíma til þess. Þarf svo að verja hana í apríl einhvern tímann, bjóst ekki við því í BSc námi :/ Klikkað að gera í skólanum, endalaust mikið af verkefnum sem ég þarf að gera og þarf að fara fyrir rétt aftur á föstudaginn, líkt og í fyrra. Hlakka engan veginn til þess.

Við erum búin að bóka bústaðinn í Mablethorpe á miðvikudaginn en af því að ég þarf að fara fyrir réttinn upp í skóla á föstudaginn fara þeir allir á mið og ég kem svo þegar ég er búin upp í skóla á föstudeginum. Ógeðslega fúlt, var búin að hlakka þvílíkt til að fá langa helgi þarna, hrikalega krúttlega hallærislegt þorp, og alltaf svo gaman þarna. Þarf líka að keyra ein sem ég kvíði svolítið fyrir, þarf að keyra í gegnum Nottingham sem ég rata ekkert í, en rata nokkurn vegin þegar ég verð komin þaðan. Þannig að vona bara að ferðin í gegnum Nottingham verði snögg, restin af ferðinni verður lítið mál.

Vikan mín á Íslandi var ljúf, var dekruð af móður minni og fékk flestan minn uppáhaldsmat. Æðislegt að hitta fjölskylduna mína og vini, en þykir mjög leitt að hafa ekki náð að hitta alla, þarf eiginlega að plana tíma minn aðeins betur.

Lofa að blogga fljótlega, ekki hætta að kíkja við! :)

Until next time darlings!

Krufning!

2008-02-21T18:32:00.003Z

Jæja, þetta var nú aldeilis skemmtilegur morgun. Í dag var ég viðstödd mína fyrstu krufningu.

Þurfti að vera mætt á spítalann í Derby kl. 8 í morgun. Við vorum komin inn í líkhús kl. 8.15 þar sem við fengum að bíða í stofu, sem er greinilega ætluð fyrir ættingja sem þurfa að bera kennsl á lík. Við þurftum að bíða þar í ca. 20 mínútur sem gerði okkur öll frekar stressuð og það eina sem við öll hugsuðum var að reyna að gubba ekki eða falla í yfirlið.

Svo kom að því að við vorum sótt, og þurftum að bíða á ganginum þar sem að allir líkkælarnir eru. Konan sem sá um okkar krufningu kom og sagði að við þyrftum að flýta þessu smá þar sem að hún væri að fara á fund. Sagði svo að það væru 3 aðrar krufningar í gangi en bað okkur að reyna að einbeita okkur að hennar. Sem sagt 4 lík. Bjóst bara við einu. Ekki fjórum. *panik*

Við fórum svo inn um aðra hurð en hún, upp á smá pall sem lá jafnhliða krufningarbekkjunum. Fór næstsíðust inn af því að ég var skíthrædd. Sá glitta í eitt líkið, fékk smá svona "ómæ" tilfinningu en sekúndu seinna var þetta bara allt í lagi. Þetta voru eins og brúður, ekkert líkt okkur í raun, sem gerði þetta bara mjög auðvelt. Eitt líkið hafði þegar verið krufið, eitt ennþá óskorið og það þriðja í vinnslu. Að sjá það þriðja í vinnslu lét mig og flesta slaka á.

Krufningin var fljótgerð og mjög svo áhugaverð (ætla ekki að fara út í details, nema þess sé óskað). Meira að segja það áhugaverð að ég væri alveg til í að vinna við krufningar. Við fengum að vísu einungis að sjá klínískar krufningar, þar sem að réttarkrufningar eru framkvæmdar af réttarlæknum með aðstoð þeirra sem sjá um klínísku krufningarnar, þannig að ég gæti - ef að staða losnar - unnið í 4 ár sem nemi, tekið 2 próf á þessu tímabili og eftir það orðið fullhæfur uuu.. krufninatæknir? krufninga.. nei, kryfjari (fínt orð). Hefði aldrei dottið til hugar að ég myndi fíla þetta. Annar hópur fer í fyrramálið og 2 í næstu viku. Langar þvílíkt að fara í 2., 3. og 4. skiptið.

Æ ég er svo morbid eitthvað :/

Until next time :)

Ég hata strætó..

2008-02-11T22:20:00.000Z

vegna fjölda áskoranna hef ég ákveðið að setjast niður og deila með ykkur því sem hefur á daga mína drifið síðasta.. nei, síðustu mánuði.

Bíllinn minn ákvað að vera með einhverja stæla eftir að við komum frá Róm (sjá síðar). Ég átti að mæta í tíma á miðvikudeginum og hlakkaði mikið til tímans, sem var fyrsti tíminn í Human Identification (þar sem að við fáum t.d. að sjá krufningu síðar á önninni). Ég keyri út á A50, þar sem ég er vön að keyra á 90 mph, en einhverra hluta vegna vildi elsku bíllinn minn ekki fara hraðar en 60 mph, og byrjaði að titra undarlega. Ég ákvað því að snúa heim. Hann hafði vikuna áður en við fórum út einnig verið með stæla.

Vegna þessa hef ég nú þurft að ferðast með strætó í að verða 3 vikur. Man að mér fannst strætó bara svolítið skemmtilegur fyrst eftir að ég flutti, en þetta er alveg að gera út af við mig. Strætó er alltaf of seinn vegna einhverra bévítans vegaviðgerða. Hann á að koma á hálftíma fresti, en er alltaf 20-30 mín of seinn. Tek samt ekki sénsinn á að mæta ekki á réttum tíma út á stoppistöð. Virðist einnig vera þannig að þegar ég er að taka strætó í sátt að það gerist eitthvað sem fær mig til að hata hann meira.

Fyrstu vikuna var svo ógeðslega kalt að ég var með krónískan skjálfta þegar ég kom heim eftir að hafa beðið eftir strætó í ógeðiskulda niðrí bæ. Öllum strætógötunum var lokað á tímabili í síðustu viku vegna sprengjuhótanna, en auðvitað var það strætóstoppistöðin mín sem var lokuð lengst, þurfti því að taka unibusinn út á lestarstöð og taka strætóinn minn þaðan. Vegna þess hve seinn strætó er alltaf þá er hann alltaf troðinn, sem þýðir að ég hef þurft að sitja við hliðina á of skrítnu fólki og verið ítrekað lamin í hausinn (óvart og ómeðvitað af viðkomandi) af bakpoka standandi farþega.

Búin að kaupa Vauxhall (Opel) Vectru, fæ bílinn vonandi á morgun (krossaputta).

Við Matt ákváðum að skella okkur til Rómar 18. jan, okkur hafði lengi langað að fara eitthvað bara tvö ein og fengum flug og gistingu á skid og ingenting eftir prófin. Þessi helgi var geggjuð. Lentum snemma í Róm og fórum eiginlega beint á röltið. Byrjuðum á að fara og fá okkur smá snarl í einni af fjölmörgu pizzabúllum sem eru út um allt. Fundum Colosseum og fórum auðvitað inn. Við röltum svo í kringum Colosseum, sem er ábyggilega stærsta hringtorg sem fyrir finnst. Fundum veitingastað hinum megin við götuna, sátum úti og drukkum bjór. Horfðum á umferðina fara framhjá og furðuðum okkur á því af hverju við hefðum ekki orðið vitni af neinum árekstri, skemmtum okkur stórvel að horfa á óskipulag Ítala þegar það kemur að akstri. Urðum hálftipsy eftir bjórinn, fengum okkur að borða og drukkum aðeins meira. Og svo meira að borða, maður sleppir því ekki að taka með sér pizzu heim þegar maður er í Róm ;)

Fórum á laugardeginum í Vatíkanið. Stoppuðum að sjálfsögðu við á pizzabúllu þar sem að ég fékk bestu pizzusneið í heimi, með káli, majonesi og rækju/humri. Dauðlangar að fara þangað aftur, bara fyrir þessa pizzu... mmm... Kíktum á torgið og löbbuðum svo að safninu, sem var meiriháttar. Sixtínska kapellan var auðvitað aðalmálið, er alveg jafnflott í 2. skiptið. Borðaði auðvitað meiri pizzu um kvöldið...

Vöknuðum snemma á sunnudeginum og fórum á markaðinn í Trastevere, sem var geggjaður! Fullt af flottum hlutum sem ég hefði viljað taka með heim. Röltum þar allan morguninn og keyptum ýmislegt smádót. Fórum svo á heimaleik Roma gegn Catania, sem var afar spes upplifun. Allir hálf fullir, mátti reykja alls staðar í sætunum, ef sæti má kalla, enginn sat í réttum sætum (nema ég og Matt - ekki einu sinni hlið við hlið). Ákváðum að fara í hálfleik, af því að við þurftum að taka strætó til baka og okkur langaði ekki að missa af strætó eða lenda í veseni með að komast til baka, af því að við þurftum að vakna snemma morguninn eftir. Fékk mér að sjálfsögðu pizzu um kvöldið. Þessi ferð var geggjuð og okkur langar að fara aftur þangað sem fyrst.

Ég borðaði samt ekki bara pizzur í ferðinni. Þurfti að fá mér foccacia einu sinni þegar það voru engar pizzur til. Og fékk mér 2x mcdonalds, en það var bara meira svona til að fá smá nart þegar það voru engar pizzubúllur nálægt. Sjúkt, ha? Matt var aðeins fjölbreyttari en ég, hann fékk sér allavegana lasagna, spaghetti bolognese og afar djúsí steik. Ég get ekkert gert að því að elska pizzur og þá sérstaklega ekta ítalskar. Væri alveg til í eina quattro formaggi núna...

Fórum á Chinese New Year dinner á þriðjudaginn síðasta, sem var meiriháttar. Keyptum okkur eina flösku af hvítvíni sem með fylgdu 2 happadrættismiðar. Okkur langaði í fleiri miða þannig að við enduðum á að kaupa 3 flöskur, auk þess að hafa fengið okkur nokkra bjóra þegar við komum inn. Þegar ljónadansinn var vorum við orðin ansi skrautleg, svona svipað og flestir aðrir á staðnum. Maturinn var geggjaður, en ég var eiginlega orðin södd þegar það kom að aðalréttunum (nb fleirtala). Fengum marga forrétti og ég reyndi mitt besta að fara rólega í þetta svo að ég hefði lyst á aðalréttunum. Gekk ekki alveg. Fékk mér svo Irish Coffee í eftirrétt sem toppaði kvöldið alveg.

Take That tónleikarnir í nóv voru geggjaðir, náði að snerta Mark og Gary. Draumur sem varð að veruleika. Án djóks. Á fullt af myndum og þar á meðal tvær close up af þeim tveimur. Hver segir svo að draumar geta aldrei orðið að veruleika? :)

Er örugglega að gleyma haug, man ekki meira í augnablikinu. Vonandi er þetta ekki of langt hjá mér... :) Nennti ekki að lesa þetta yfir, þannig að málfræði og málfarsvillur eru fyrirfram afsakaðar.

Until next time!

Og það snjóar!

2007-11-18T21:11:00.000Z

Búið að snjóa núna í nokkra klukkutíma. Allt hvítt úti, og yndislega jólalegt. Held í vonina um að snjórinn komi aftur fyrir jól og verði yfir jólin. Elska snjóinn :)

Þurfti að standa úti í rigninu og roki í morgun að horfa á þann yngri spila fótbolta, alveg ekta skemmtilegt íslenskt veður. Mjög hressandi, en varð kannski aðeins of hressandi undir lokin þegar rokið fór að ágerast með meiri rigningu. Komum heim og elduðum enskan morgunverð - algjört uppáhald hjá mér (að aðskildum pulsunum og beikoninu).

Fór út á lífið í Derby á föstudaginn, sem gerist mjög sjaldan nú orðið þar sem að það er svo djöfulli dýrt að taka leigubíl frá Derby þangað sem ég á heima. Fór að hitta Tobbu og íslenskt par, Hörpu og Gunna, sem eru nýflutt til Derby. Entist ekki eins lengi og ég hefði viljað (note to self - ekki drekka hvítvín þegar þú ferð út á lífið). Lofa að endast lengur næst guys! :)

Við Matt skelltum okkur á Foo Fighters tónleika á miðvikudaginn. Ég var búin að ná mér í sudda kvef og var ekki viss um að komast á tónleikana um kvöldið svo ég ákvað að fara ekki í skólann um daginn og slaka frekar á. Var bara orðin frekar hress þegar líða fór að tónleiknunum. Þetta voru án efa næstbestu tónleikar sem ég hef farið á - ekkert toppar Take That í fyrra.

Talandi um Take That, er að fara á tónleika með þeim á þriðjudaginn, djöfulli hlakka ég til! Trúi því ekki að ég sé loksins að sjá þá aftur. Vildi bara óska að Lena og Katrín gætu komið aftur með mér, við skemmtum okkur svo ógeðslega vel í Cardiff í fyrrasumar. Er að fara með systur hans Matt og nokkrum vinkonum hennar, hún átti sko Take That gluggatjöld, rúmföt, klukku, allar 5 dúkkurnar (lucky girl) etc etc. Bara ef allt þetta hefði verið til á Íslandi í "gamla daga" *dæs*.

Jæja, ætla núna að halda áfram að horfa á "frægt" fólk í frumskógum Ástralíu, sem telur t.d. Janice Dickinson úr ANTM, og önnur "celebrity". Raunveruleikasjónvarp í essinu sínu. Fæ ekki leið á því. Aldrei.

Until next time :)

Halló heimur!

2007-11-06T18:40:00.000Z

Loksins komin með netið aftur á tölvuna mína! Þessi netfarsi er að verða ansi leiðinlegur og ég nenni ekki fyrir hið minnsta að rekja söguna upp hérna. Vona bara að við höldum þessari tengingu til lengri tíma.

Þvílíkur léttir að vera aftur online....

Afsakið, finnst þetta svo skrítið eitthvað.

Er að drukkna í skólanum, verkefnaskil á föstudag og mánudag, auk þess sem ég er (eða á hehe) að vera að vinna í lokaverkefninu mínu alla daga - sem sagt ég á (eða ætti að eiga) ekkert líf..

Var á föstudaginn við formlega opnun nýja campusins upp í skóla, sem hýsir lista og tæknideildir skólans. Ekki ómerkari maður en Sir Richard Branson opnaði campusinn formlega og fékk ég, ásamt svona 150 öðrum að sitja Q and A session með honum. Ekki slæmt það. Myndir og upplýsingar frá opnuninni má sjá hér.

Við Matt, strákarnir og vinur hans Matt fórum til Mablethorpe þar síðustu helgi og það var ljúft eins og vanalega. Bærinn er svona skemmtilega hallærislegur sjávarbær, sem hefur alveg séð betri daga. Franskarnar eru langbestar þarna, er alveg viss um að það sé sjávarloftinu að þakka. Kíktum aðeins út á lífið á laugardagskvöldinu og það var auðvitað stemning. Mikill munur á fólkinu hérna og svo þar, einhvern veginn allt öðruvísi, get eiginlega ekki lýst því.

Héldum brjálað flugelda og brennu partý um helgina, ætluðum að halda það næstu helgi af því að Heiða og Ása ætluðu að koma í heimsókn, en þær þurftu því miður að fresta því um óákveðinn tíma. Við ákvaðum því að halda parýið um síðustu helgi. Fullt af fólki sem kom og fullt af flugeldum skotið á loft.. sumum var reyndar ekki skotið á loft, heldur borað í jörðina og kveikt í, svo að þeir sprungu á jörðinni. Sumum fannst líka sniðugt að halda á rakettunum alveg þangað til að þær voru að fara að springa og sleppa þeim svo. Mér fannst það ekki svo sniðugt. Ég veit, ég veit, ég er svooo leiðinleg.... *dæs* En annars skemmtum við okkur hrikalega vel og allir sem komu höfðu sömu sögu að segja.

Verð nú kannski aðeins öflugri að blogga fyrst að ég er komin með netið aftur á minn ástkæra lappa.

Þangað til næst..

Letidagar

2007-09-17T15:05:00.000+01:00

Hætt í vinnunni og er hálf lost eitthvað í dag. Kann ekki lengur að hanga og gera ekki neitt. Síðasta vikan í vinnunni fór nú ekki alveg jafn hratt hjá og ég bjóst við, náði mér í gubbupest og komst ekki í vinnuna á þriðjudeginum, lá í staðinn heima í móki (sem er ástæðan að ég óskaði Stebba og Guðrúnu Pálínu ekki til hamingju með afmælin, og skammast mín fyrir það.. óska ykkur hér með til hamingju og biðst afsökunar..). Fór í vinnuna á miðvikudeginum en fór á heim á hádegi, þar sem að ég hafði enga orku og var hálf út úr kú með allt eitthvað. Hef ekki fengið svona pest síðan ég var krakki og vona bara að ég fái hana aldrei aftur... ojj...

Fórum öll í heimsókn til ömmu hans Matt í gær. Hún býr í bæ sem heitir Devizes og er í Wiltshire, og það tekur 3 tíma að keyra þangað. Sá fullt af yfirkeyrðum hræum á leiðinni og vonaðist til að ég myndi ekki lenda í því að þurfa að keyra yfir eitthvað grey dýr. Keyrði næstum því yfir fashana, hann rétt náði að fljúga upp og skall aðeins á þakið á bílnum með stélið. Leið ekki vel eftir á en þakkaði fyrir að þurfa ekki að keyra yfir hann. Heimska dýr.

Ég og Matt skelltum okkur í bíó á laugardagskvöldið, eitthvað sem ég nenni aldrei að gera. Fórum á 1408, og urðum eiginlega fyrir vonbrigðum. Hún byrjaði mjög vel og öll vitleysan í byrjun í herberginu var bara mjög góð, en svo fór þetta að vera aðeins of mikið rugl. Besta var nú samt að sjá að Halloween, ein af mínum uppáhaldsmyndum, er að fara að koma í bíó endurgerð og trailerinn var mjög spennandi. Rob Zombie gerir hana samt svo ég er ekki alveg viss hvort ég leggi í hana, er hálf hrædd við myndir eftir hann og hef ekki ennþá lagt í hinar myndirnar hans - held ég haldi mig bara við tónlistina hans.

Fótboltatíðin hefur ekki farið vel með Derby, byrjuðum vel og spiluðum mjög vel en höfum einungis fengið 1 stig og erum á botninum. Er að fara í kvöld á leikinn á móti Newcastle og efast stórlega um að við fáum eitthvað stig þar. Fórum til London á Tottenham leikinn og það var sárt að sitja þar og horfa á Derby tapa 4-0, sérstaklega þar sem að fyrstu 3 mörkin komu á fyrstu 14 mínútunum. Það hefur verið gert svolítið grín af mér í vinnunni útaf lélegu gengi Derby, þannig að það var ljúft að mæta í vinnuna eftir að Ísland vann N-Írland aftur - smá sárabót að allavegana eitt af mínum liðum sé að vinna eitthvað! *dæs*

Ég hef skánað mikið af kóngulóafóbíunni minni, þær eru allstaðar hérna og ég er bara orðin hálf vön þeim. Er þó ekki full læknuð. Hálfdrap sjálfa mig á leiðinni heim úr vinnunni einn daginn þegar þar var lítil, appelsínugul kónguló að skríða á mér. Mér tókst að slá hana af mér en svo var hún bara komin aftur. Ég hélt ég myndi sturlast. Svo í vikunni var ein risa risa RISA stór í baðinu. Bað Matt um að ná í tannburstann fyrir mig, ætlaði sko ekki að vera þarna inni meðan hún væri þar. Skildi Matt eftir með henni svo hann gæti hent henni út. Hann er samt ekki alveg hræðslulaus þegar það kemur að þeim. Það voru víst tvær í baðinu, annarri þeirra náði hann úr án vandamála. Hlussan, aftur á móti, var annað mál. Hann byrjaði á að reyna að setja glas yfir hana og ætlaði að reyna að ná henni þannig. Stórt bjórglas var ekki nægilega stórt fyrir helvítið, þar sem að hún var svona hrikalega lappalöng. Matt ákvað því að reyna að drekkja henni, með því að láta sturtuhausinn ausa á hana vatni. Hann skildi hana eftir í niðurfallinu með vatnið rennandi í lengri tíma, þangað til að hún var dauð - eða svo hélt hann. Hún var auðvitað of stór til að fara í niðurfallið, þannig að hann skellti haug af klósettpappír yfir hana. Byggði svo upp nógu mikið þor í að taka hana upp. Baðið er við hliðina á klósettinu þannig að þessi stutta hreyfing, frá baðinu yfir í klósettið, ætti að vera minnsta mál.

Nema..

Helvítið vaknar, og stekkur upp. Matt, hetjan mín, varð (skiljanlega) skíthræddur og hljóp út af baðherberginu og rakst á leiðinni í ljósakrónuna á ganginum sem er með smá dinglumdangl hangandi niður. Matt var þess vegna full viss um að kvikindið væri á höfðinu á honum. Kóngulóin var eftir allt þetta hálf veikluleg, og Matt náði að grípa hana snökkt og henda henni út um gluggan, þar sem að hún lenti á stól þar sem að hún kom sér vel fyrir í sólinni - hún var það stór að það var mjög greinilegt að sjá. *hrollur*

Skráning í skólann er á föstudaginn þannig að ég þarf ekki að hangsa mikið lengur og láta mér leiðast.

Hafið það gott - þangað til næst.

Heppni?

2007-09-08T11:58:00.000+01:00

Ég hef saknað Bold and the Beautiful endalaust mikið síðan ég flutti út, þeir voru sýndir hérna áður en ég flutti, en voru teknir af dagskrá - skil það nú ekki alveg, þvílíkir gæðaþættir þar á ferð. En allavegana, þá er komin ný stöð á Sky Boxið sem heitir Zone Romantica. Þeir sýna að vísu ekki Bold en þeir sýna það næst besta við það. Days of our lives. Ég hlakka til að verða húkt. Massimo (heitir Stephano í Days, og hann var í Santa Barbara og hét Carlo) er meira að segja í þessari sápu þannig að þetta er ekki of ólíkt Bold. Ég verð eiginlega að segja að þættirnir eru bara nákvæmlega eins...

Skotland var geggjað. Við flugum út á mánudagsmorgni, mjööög snemma. Flugum til Glasgow og þurftum svo að koma okkur til Edinborgar þar sem við ætluðum að vera fyrstu 2 næturnar. Liz vinkona okkar kom með okkur, og við ákváðum öll að setja pening í púkk til að nota í lestarferðir og matarkaup og þess háttar. Þar með varð the Kitty Committee til, sem að okkur fannst endalaust fyndið og gerum ennþá grín af því.

Við spurðum mann á lestarstöðinni í Edinborg sem vann á hótelsöluskrifstofu hvort hann vissi hvar gistiheimilið okkar væri. Hann sagði að það tæki svona 15 mínútur að labba þetta eða um 5 pund í taxa. Við ákváðum að labba þennan stutta spöl, the Kitty Committee var ekki tilbúin að láta 5 pund fyrir taxan. Við hefðum frekar átt að gera það, þrátt fyrir að það myndi hafa kostað aðeins meira en 5 pund í taxanum. Það tók okkur klukkutíma og 20 mínútur að labba þetta. Við lögðum okkur í nokkra tíma áður en við fórum aftur út.

Edinborgarfestivalið var í fullum gangi þegar við komum. Það stendur yfir í 4 vikur og það er bara geggjað. Mikið af götulistafólki og endalaust mikið úrval af sýningum. Við tókum strætó í bæinn, röltum á milli pöbba og skoðuðum okkur um. Bókuðum miða í draugaferð sem við fórum svo ekki í þar sem að við vorum uppgefin eftir daginn.

Daginn eftir fórum við á tvær sýningar. Við byrjuðum í The National Gallery of Scotland, þar sem að William Blake sýning var í gangi, auk mynda eftir Tizian, Monet og Botticelli (reyndar bara ein mynd). Fórum svo yfir á Andy Warhol sýninguna og hún var gegguð! Mér hefur aldrei fundist verkin hans neitt spes, en að sjá þetta allt á sýningu finnst mér hann bara geggjaður. Fórum svo í draugagöngu í undirgöng Edinborgar þar sem að Most Hunted hafa verið. Fórum svo á Foo Fighters tónleikana um kvöldið og það var baaaara snilld! Þeir eru snillingar og endalaust rólegir á þessu öllu saman.

Fórum daginn eftir á tvær leiksýningar, annars vegar The Importance of Being Earnest, sem var hrikalega skemmtilegt. Eftir að hafa spáð og spekúlerað í hvað við ættum að gera næst ákváðum við að fara á sketch sýningu sem heitir This Sketch Show Belongs to Lionel Richie. Algjör hörumung. Fékk 5 stjörnur og við héldum að þetta yrði fyndið, en svo var ekki. Fórum svo yfir til Glasgow um kvöldið.

Það var ekkert mikið um að vera í Glasgow, þannig að við fundum okkur pub með quiz machine og við vorum þar eiginlega alveg þangað til að við fórum á tónleikana. Red Hot Chili Peppers eru ekki alveg jafn skemmtilegir á sviði og Foo Fighters en samt mjög góðir. Fórum aðeins út á lífið í Glasgow eftir tónleikana en það lokaði allt um 12 þar sem að lögin eru ekki eins og í Englandi með frjálsa opnunartíma. Náðum þó nokkrum drykkjum.

Þar sem að það var ekkert um að vera í Glasgow fórum við snemma upp á flugvöll og ætluðum að bíða þar þangað til við áttum flug um kvöldið. Löbbuðum inn og sáum að það var flug til East Midlands um 5 leytið í staðinn fyrir 10. Við ákváðum að athuga hvort við kæmumst í það og það var ekkert mál. Skemmtum okkur brjálæðislega vel alla vikuna og við ætlum að reyna að komast aftur út á næsta ári þegar Edinborgar festivalið er í gangi og eyða heilli viku þar.

Að öðru..

Skólinn byrjar aftur 24. september og ég hlakka þvílíkt til. Þurfti að taka eitt endurtektarpróf sem ég náði þannig að ég get einbeitt mér að 3. árinu án þess að þurfa að hafa áhyggjur af einu fagi af 2. ári. Trúi ekki að ég sé að byrja lokaárið, langar eiginlega bara ekkert að hætta í skólanum.. :) Á eina viku eftir í vinnunni og það er svo klikkaðislega mikið að gera að hún á eftir að fljúga hjá.

Hafið það gott - þangað til næst.

Bloggleysi næstu daga...

2007-08-19T23:01:00.000+01:00

Er að fljúga til Skotlands í fyrramálið, verð á Foo Fighters tónleikum á þriðjudaginn í Edinborg og svo á Red Hot Chili Peppers á fimmtudaginn í Glasgow, kem heim á föstudagskvöld :)

Ekki það að þið hafið verið að búast við bloggi, veit að ég er mjög latur bloggari ;)

Lélegur brandari?

2007-07-21T11:43:00.000+01:00

Mér er allavegana ekki skemmt lengur yfir þessu veðri. Þorði varla að hugsa, né segja, á miðvikudag og fimmtudag að sumarið væri kannski komið, þar sem að það var geggjað veður þessa tvo daga. Aftur var skítaveður í gær og í dag er allt á floti fyrir sunnan okkur. Mamma er að fara heim í dag, og maður vonar bara að vegirnir til Heathrow loki ekki, þar sem að hún ætlar með rútu frá East Midlands Airport til Heathrow. Lestarferðir í dag eru ekki garanteraðar þar sem að lestarteinarnir gætu auðveldlega lokast vegna flóða. Rútan tekur þar að auki bara rúma 3 tíma og þarf ekki að skipta neinsstaðar eins og með lestarnar, ég mun bókað mál hafa það í huga næst þegar ég er til Íslands. Hér er ein frétt frá BBC og þar eru linkar á fullt af öðrum fréttum og haug af myndum af flóðunum. Hélt að þessu væri öllu lokið en þetta er náttúrulega bara að verða eins og lélegur brandari.

Ég og Matt erum búin að kaupa ferð til Skotlands í lok ágúst, og búin að bóka miða á bæði Foo Fighters og Red Hot Chili Peppers. Flugið kostaði um 85 pund fram og til baka til Glasgow fyrir okkur bæði sem er ódýrara en lestarferðin til London kostaði um daginn, það þarf að gera eitthvað í því ef að yfirvöldin vilja að fólk verði "grænna" í því hvernig það ferðast. Erum að leita að gistingu sem verður einhver höfuðverkur, rándýrt að gista í Edinborg, þar sem við verðum fyrstu 2 næturnar. Aðeins ódýrara í Glasgow, en maður vill vera frekar picky á hvar maður gistir í Glasgow.. Hlakka endalaust mikið til, verður geggjað :)

Ætla að fara að sinna henni móður minni áður en hún fer, bara 2 tímar þangað til að hún þarf að fara.. :/

Þangað til næst.

Margt búið að gerast í Englandi...

2007-07-08T19:36:00.001+01:00

Er komin með nýjan forsætisráðherra. Finnst hann með eindæmum leiðinlegur. Sakna Tony Blair verð ég eiginlega bara að segja - held samt að ég sé ein um það. Bar ekki traust til Gordons Brown áður en hann gekk í ráðherrastól, og álit mitt hefur ekki breyst. Finnst eins og á fyrsta degi hafi hann verið eins og smástrákur í fullorðinsleik. Eitt af því fyrsta sem hann lærði var á hvaða takka ætti að ýta ef hann þarf að skjóta kjarnorkuflaugum á loft, og svo setti hann vin sinn, sem er by the way rúmlega sextugur, sem fótboltaspecialist til að plana HM í Englandi 2018. Hann hefur svo gert sig að fífli á þingi þegar hann gat ómögulega svarað spurningum David Cameron, ég gat ekki annað en hlegið. Áttaði mig svo á því í gær á hvern hann minnir mig... Mr. Bean.

Hann stóð sig nú samt ágætlega þegar hryðjuverkin komu upp, gef honum plús fyrir það.

Við Matt fórum til London síðustu helgi, akkúrat í miðjum hryðjuverkum. Sömu helgi var Gay Pride á laugardeginum og svo maraþon á sunnudeginum, sem gerði ferðirnar í undergroundinu svolítið erfiðar. Við komum snemma til London á laugardagsmorgninum og skutluðum töskunum upp á hótel og fórum svo að rölta um. Sá Buckingham höll í fyrsta skipti, og fórum að Westminster Abbey og þinghúsinu. Þegar við erum að labba til baka frá þinghúsinu, labbaði ég framhjá Elton John, án gríns, bara öxl við öxl. Hafði hugsað á leiðinni til London að þrátt fyrir að hafa farið þangað alloft hafði ég aldrei séð neinn frægan. Ekki slæmt að fyrsti celeb-inn minn er Elton John :) Náði mynd af hnakkanum á honum þar sem hann var að labba inn í Parliamentið :)

Við fórum svo upp á hótel til að hafa okkur til fyrir leikhúsið sem átti að byrja kl. 4. Herbergið átti ekki að vera tilbúið fyrr en kl. 2.30 þannig að við fórum á barinn á hótelinu. Af því að við gistum á Millenium Mayfair vorum við frekar skeptísk á að fara á barinn þar sem að hann var svolítið posh og við veðurbarin eftir rigninguna. Ákváðum samt að fá okkur einn drykk. Ég pantaði mér hvítvínsglas og Matt fékk sér bjór. Við settumst niður og þegar okkur eru færðir drykkirnir er okkur litið á verðlistann. Við fengum hálfgert hláturskast þegar við sáum að glasið mitt kostaði 8.50 pund. Ég drakk hvern einasta dropa.

Við höfðum 45 mínútur til að gera okkur tilbúin. Við höfðum spurt í lobbýinu hvort þau gætu pantað fyrir okkur leigubíl sem yrði tilbúin fyrir utan kl. 3.15. Hann sagði okkur að það væri bara best fyrir okkur að fara núna, þ.e.a.s. áður en við fengum herbergið meira að segja, möguleikinn á að fá leigubíl og að komast eitthvað í honum væru mjög litlar, þar sem að götum hefðu verið lokað út af Gay Pride og hryðjuverkunum. Við tókum því underground í leikhúsið, og náðum þangað á góðum tíma. Leikritið, Woman in Black, var meiriháttar! Fyrri hluti leikritsins tekur tíma í að byggja upp spennu og við vorum farin að halda að það væri búið að hype-a það svo mikið upp að það yrði bara ekkert ógnvænlegt. Ótrúlegt hvað það er samt hægt að hræða mann. Eftir hlé var ég algjörlega að tapa mér, og sömuleiðis allir aðrir í leikhúsinu. Frábært leikrit og mæli með því! Langar eiginlega bara aftur :)

Nýttum svo sunnudaginn í að fara í söfn, fórum í The Science Museum, Natural History Museum og V&A Museum. Byrðjuðum samt á því að fara í Harrods, sem er þvílík upplifun, sérstaklega matarhlutinn, skoðaði ekkert fötin og skónna (þorði því ekki), en nýtti tímann í matnum í staðinn. Stóð slefandi yfir öllum borðunum.. Ákvað að kaupa mér ólívur í jalapeno og piri piri sósu, og það eru bara bestu ólívur sem ég hef nokkurn tímann smakkað.. mmm...

Er að verða geðveik á allri helvítis djöfulsins (afsakið orðbragðið) rigningunni. Mamma lofaði mér að reyna að koma með sólina með sér og það hefur gengið þokkalega, þurrt í gær og í dag, og ég hélt að loksins væri komið almennilegt sumarveður. Horfði á veðurfréttirnar áðan og er ekki spennt, meiri anskotans rigning á leiðinni. Urr... >:( Mamma er semsagt komin í heimsókn og hún ætlar að vera til 21. júlí. Æðislegt að fá hana í heimsókn :)

Eins og vanalega vantar haug af hlutum í bloggið mitt, reyni að blogga aftur fljótlega..

Until next time :)

Góða sumarveðrið..

2007-06-18T18:07:00.000+01:00

eða hitt þó..

Búið að vera rigning hérna síðan á föstudaginn, með smá hléi í gær. Byrjaði um leið og ég labbaði út úr vinnunni kl. 4, var búin að hlakka til frá hádegi að fara heim í góða veðrinu og slaka á úti í garði með hvítvínsglas. Matt sendi mér skilaboð um að það væri þrumuveður heima og svo stuttu seinna fór rafmagnið af hálfu þorpinu. Ég keyrði í því sem byrjaði smá rigning og grá ský, inn í beljandi vatnsfall og grágrænbrún ský - með eldingum. Ég var skíthrædd á leiðinni, sá varla út um framrúðuna fyrir rigningunni, og göturnar voru á floti, þannig að ég sá varla hvert ég átti að fara. Var guðslifandi fegin að komast heil heim.

Rafmagnið kom svo aftur á um 6 leytið, sem hentaði mjög vel fyrir sjónvarpsplanið, þá sérstaklega fyrir Big Brother. Eftir Big Brother setti ég Canada's Next Top Model á. Náði að horfa á 10 mínútur áður en rafmagnið fór aftur, og það kom ekki á fyrr en um 10leytið morguninn eftir. Fannst það reyndar æði, finnst rafmagnsleysi svo skemmtilegt og slakandi. Daginn eftir rigndi aðeins meira og fengum smá fleiri þrumur. Heyrði svo í morgun í útvarpinu að það hafi þarna rignt jafn mikið á 24 tímum og rignir vanalega á einum mánuði. Skemmtilegt það. Not.

Hélt svo að þessu væri mest öllu lokið, en - að sjálfsögðu - um leið og ég labba úr vinnunni kl. 5 í dag fór að rigna aftur, og í þetta skiptið tvöfalt meira en rignt hafði á föstudaginn. Sá ekki baun út um rúðuna í þetta skiptið, vantar súperstillingu á rúðuþurrkurnar mínar... :/

En að vinnunni..

Ég er alveg að fíla mig í botn, búin að læra að gera fullt af prófum og búin að sulla haug með sýru, verður varla skemmtilegra en það. Sullaði smá sýru á sjálfa mig líka en það verður að fylgja, er það ekki? Vænti þess að ég verði með nokkra bruna á handleggjunum eftir þetta sumar. Get alveg séð mig vinna við efnafræði í framtíðinni. Hef beint náminu mínu meira að efnafræði en ég hélt að ég myndi gera, bjóst við að ég færi líffræðileiðina. Hef því spáð í að fara í master í réttarefnafræði í framtíðinni.

Farin að horfa á Britain's Next Top Model, hafið það gott! :)

Download festival á morgun...

2007-06-09T18:00:00.000+01:00

Byrjaði í gærkvöldi en við komumst ekki fyrr en á morgun, get ekki beðið! Aðalatriðið er náttúrulega að sjá Iron Maiden, var í Portúgal þegar þeir spiluðu heima, hlakka til að heyra Run To The Hills! :) Getið horft á festivalið live hérna og séð line-upið hérna. Er að horfa á Slayer spila núna, væri endalaust til í að vera þarna núna!

Byrja ekki í vinnunni fyrr en á mánudaginn og er farin að kvíða ótrúlega mikið fyrir, en hlakka sam þvílíkt mikið til líka.. erfið svona blanda.. ef mér hefði verið sagt fyrir einhverjum árum síðan að ég myndi vera að vinna á efnafræðirannsóknarstofu á þessum tíma, hefði ég ekki trúað því..

Kominn tími á grillkjötið, dagurinn búinn að vera geggjaður og ég er komin með brúnku - bölvað að þurfa að vinna í næstu viku, væri alveg til í að liggja úti í sólinni aaaaðeins lengur ;)

Heiða á afmæli í dag og Guðrún Jóna "litla" systir á morgun, til hamingju með afmælið báðar tvær! :)

Hafið það gott...

Blöskr...

2007-05-26T17:58:00.001+01:00

Uppeldisaðferðir Englendinga eru oft ekkert til að hrópa húrra fyrir, ekki skrítið að ástandið sé eins og það er á unglingum og ungu fólki hérna í dag. Sumir foreldrar hika ekki við að öskra á börnin sín úti á götu, að þau séu hálvitar, aumingjar og þar fram eftir götunum ef þau gera eitthvað af sér - þ.e. detta, rekast utan í fólk o.s.frv., eitthvað sem "normal" foreldri myndi ekki gera. Enn verra er þegar foreldrar taka sig til og slá börnin sín fyrir framan alla og finnst nákvæmlega ekkert að því, og með því fylgja skammir og uppnefningar. 3 góð dæmi um þetta;
- Mamma var í lestinni á leiðinni til mín, þegar hún heyrir móður skamma ca. 4 ára gamalt barn sitt fyrir að hella niður úr vatnsflösku, með því að kalla barnið idiot, og vera virkilega að meina það.
- Ég var á McDonalds í fyrra og að labba frá afgreiðsluborðinu. Stelpa, ca. 3ja ára stóð fyrir mér, og ég afsakaði mig pent og brosti til stelpunar sem var að fara að færa sig. Í því grípur mamma hennar í hana, lemur hana í bakið og skipar henni að vera ekki að þvælast fyrir fólki með þvílíkum tón. Ég gat varla borðað matinn minn vitandi það að stelpan var lamin út af mér.
- Í dag fórum við í bæinn. Á leiðinni út úr mallinu kemur fjölskyla labbandi inn, strákur um 10 ára labbar óvart á fólk á leiðinni inn, og mamma hans gefur honum þvílíkt högg aftan á hnakkann - og auðvitað fylgdi því að hann væri náttúrulega bara hálfviti. Mér var skapi næst að gefa henni einn á 'ann.

Blöskrblöskrblöskr... ekki skrítið að ungdómurinn í Englandi er á góðri leið til helvítis...

Að öðru..

Fór í gær í heimsókn til EIAG þar sem ég verð að vinna í sumar. Byrja að vinna 4. júní og hlakka ekkert smá til, en á sama tíma kvíði ég hrikalega mikið fyrir. Verður fínt þegar ég er búin að fara í gegnum þjálfunina, hlakka til þegar fyrsti dagurinn er búinn :)

Er að fara á nýja Wembley á mánudaginn að sjá Derby keppa um að komast í úrvalsdeildina. Að fá miða á leikinn var hægara sagt en gert, gátum loksins orðið okkur úti um miða á þriðjudaginn eftir mikið panik og hálf tárvot augu. Hlakka endalaust mikið til - come on you rams!!! Matt bókaði í leiðinni miða á leikritið Woman in black fyrir okkur tvö í lok júni, ætlum til London og hafa það kósý, hlakka til þess :) Mamma kemur svo líklegast daginn eftir og verður í 3 vikur, hlakka endalaust til að sjá þig mamma mín :)

Mikið að hlakka til á næstunni hehehe :)

Hafið það gott!

One down, one to go...

2007-05-10T09:06:00.000+01:00

Fyrsta prófið var í gær, og það var algjör brandari. Ég held að ég hafi ekki getað verið undirbúin fyrir þetta próf, sama hversu mikið ég hefði lært. Meirihluti bekkjarins er viss um að hann sé fallinn, sem kemur mér ekki á óvart. Gat ekki annað en hlegið í gær þegar ég fór út úr prófinu, gat ekki verið pirruð yfir því að vera óundirbúin.

Við Matt ætlum að fara til Nottingham á eftir, ég þarf að fara á fund til að sækja um kennitölu. Hef unnið þrisvar upp í skóla á opnum degi, og á að fá borgað fyrir það en vantar þá kennitölu. Ætla að sjálfsögðu að nýta tímann í Nottingham til að versla pínu, má ekki sleppa því! :)

Ingó er þrítugur í dag, til hamingju með afmælið gamli! :)

----- Smá update -----

Ferðin til Nottingham fór ekki alveg sem skildi.. komumst til Nottingham á góðum tíma, sem betur fer..

Ég átti viðtal hjá þeim þegar ég fór til Íslands. Hringdi til að breyta tímanum og spurði hvort að þeir væru með skrifstofu í Derby. Það var ekki svo, þannig að ég hélt mig við Nottingham. Fékk svo bréf sent heim og var ekkert að spá í staðsetningunni, heldur bara dagsetningunni og tímanum. Við komum svo til Nottingham í dag, og labba framhjá einni Jobcenter plus rétt hjá lestarstöðinni, þannig að ég double checka að það sé ekki sú sama og ég á að fara á. Sé þar charles street og rek svo augun í eitthvað annað... Charles street er ekki í Nottingham, heldur Leicester. ... panik ...

Vorum sem betur fer ekki komin langt frá lestarstöðinni, þannig að við náum að hlaupa til baka og taka lest til Leicester. Lestin er áætluð að koma til Leicester kl. 11.37, sem gefur okkur 23 mínútur til að finna jobcenter plus. Með einhverri ótrúlegri lukku náðum við að vera komin þangað fimm mínútum fyrir 12.. Fundurinn tók ca. 10 mínútur - það var allt. Ætti svo að fá númerið mitt innan 3ja vikna.

Ferðin var samt góð - fann primark og verslaði 2 kjóla, 2 leggings og sokka fyrir 21 pund.. 21 pund!! I love it, er búin að plana aðra ferð þangað í næstu viku og ég ætla að versla haug.. Jibbý! :)

Eurovision kom mér á óvart, ég var einungis með 3 lönd rétt af þeim sem komust áfram. Trúi því ekki að Danmörk hafi ekki komist áfram, elskaði það lag. Ætla að halda með Lettlandi á laugardaginn eins og ég hef oft gert áður - alveg eitt af mínum uppáhaldslöndum :) Mun reyna að setja inn spá fyrir laugardagskvöldið.

Farin að horfa á The Stand - hafið það gott...

Court arise...

2007-05-03T18:42:00.000+01:00

Komin tími á update - er það ekki?

Síðasti kennsludagur í dag. Prófin byrja í næstu viku. Fer í tvö próf, annað í forensic science og hitt í molecular genetic analysis. Er því á góðri leið með að klára annað árið, og bara eitt ár eftir - ótrúleg hvað tíminn líður viðbjóðslega hratt!! Er komin með vinnu í sumar, fékk placement í gegnum skólann hjá fyrirtæki sem heitir EIAG (heimasíðan er ekki virk eins og er samt..) þar sem ég verð að vinna við efnafræðirannsóknir. Hlakka gífurlega mikið til :)

Titill bloggsins er í samræmi við það sem við gerðum í skólanum í dag - fórum fyrir rétt. Eftir að hafa farið á gervivettvang og tekið öll þau sönnunargögn sem við fundum, þurftum við að rannsaka þau á rannsóknarstofunni, líkt og í fyrra. Það sem bættist við í ár er það að við þurftum að búa til "statement" yfir allt sem við rannsökuðum, hvaða aðferðir voru notaðar, hvaða niðurstöðu við komumst að o.s.frv. Með statementið okkar þurftum við svo að fara fyrir rétt, standa upp eitt og eitt í vitnastúku og svara spurningum lögfræðinganna. Sá sem var lögfræðingur sækjanda er mjög klár og vel lærður, og það skipti ekki miklu máli hversu vel maður var undirbúinn, hann myndi finna allt. Þetta var mjög ógnvekjandi fyrst, en svo gerði maður bara grín að þessu. Mjög lærdómsríkt og maður verður vonandi aðeins betur undirbúin á næsta ári, þar sem að við þurfum að endurtaka leikinn, auk þess sem að 3. árs lögfræðinemar munu cross examine okkur fyrst.

Allt gott að frétta annars, lífið er ljúft, veðrið að verða ansi heitt og skólinn gengur þokkalega. Ég er búin að opna nýtt myndaalbúm og mun setja myndir inn um leið og ég finn snúruna úr myndavélinni í tölvuna.

Hafið það gott.. until next time!

Loksins...

2007-03-29T12:19:00.000+01:00

komin með netið á lapann minn á ný. Er flutt úr íbúðinni minni og inn til Matt, þannig að það tók dálítinn tíma að redda netinu.

Má ekki seinna vera í rauninni, förum til Stansted í kvöld til að gista á b&b, og fljúgum svo til Íslands á morgun! Ekki slæmt :) Vona að ég nái að hitta sem flesta, verð mjög busy að sýna Matt og strákunum hið fagra Ísland. Verðum á landinu til 7. apríl, verð með gamla númerið mitt ef þið viljið ná í mig ;)

Blogga meira seinna, þarf að klára 2 verkefni sem ég verð að skila á eftir, verð duglegri að blogga núna fyrst ég er komin með netið á lapann... hehehe yeah right.. ;)

Hmm.. nýr blogger..

2007-02-01T20:37:00.000Z

Vona að hann verði góður við mig..

Bara láta vita að ég er á lífi, er að bíða eftir því að sækja Heiðu, Siggu, Ásu og Tanyu upp á East Midlands flugvöll, hlakka til að fá þær í heimsókn.

Mikið búið að gerast á meðan bloggleysi hefur staðið....

Hélt upp á 26 ára afmælið mitt á afmælisdeginum, mamma og amma Brynja komu í heimsókn um helgina og það var æðislegt að fá þær yfir. Fór með þeim og Matt út að borða á La Tasca, og ég reyndi að draga þær með mér á djammið eftir á, tókst að draga þær aðeins inn á Coyote Wild en svo stungu þær af.. Set inn myndir þegar ég hef tíma og nennu, tekur allt of langan tíma að hlaða niður myndum á myphotoalbum.. einhverjar uppástungur af öðrum myndaalbúmum á netinu??

Fór á tvenna tónleika, fyrst á Muse í Nottingham sem var að sjálfsögðu snilld. Spiluðu alla nýju plötuna í gegn fyrir hlé og tóku svo bestu lögin eftir hlé.. geggjað! Fór svo á Morrissey í desember, og það sem meira er þá keyrði ég til Nottingham þar sem tónleikarnir voru, hefði aldrei gert það ef ég hefði ekki verið með aðstoðarbílstjóra ;) Finnst ég samt algjör hetja.. :) Sá Morrissey aðeins betur þarna heldur en á tónleikunum á Íslandi, tók þá eftir því að hann er aðeins farinn að eldast, en er ennþá jafn ótrúlega flottur! Maðurinn er snillingur...

Skólinn er byrjaður aftur. Nóg að gera strax, enda ekki við öðru að búast. Er búin að sækja um placement hérna í sumar á rannsóknarstofu við sérstakt umhverfisverkefni, vona að ég fái vinnuna... væri alveg til í að vera hérna í sumar, búið að spá því að sumarið verði hlýrra núna en í fyrra, þar sem að janúar var óvenjuhlýr.. ef ég þarf að vera á Íslandi aftur í sumar í rigningu og leiðinlegu veðri meðan veðrið hérna væri eins og það var í fyrra, þá yrði ég ekkert lítið endalaust fúl og pirruð... Djöfull fór það í taugarnar á mér að nærri því upp á hvern einasta dag í júni byrjaði að rigna upp úr 10 eða 11 á morgnanna, maður hélt í vonina á leiðinni í vinnuna að það myndi haldast þurrt og ekki skyggja fyrir sólu, en það klikkaði yfirleitt.. pirpirrpirpririrpr....

Jæja, þarf að fara að gera eitthvað hérna áður en þær koma, vona að ég bloggi aftur bráðlega..!

The Sun...

2006-11-22T09:32:00.000Z

Mikid talad um kaup Eggerts Magnussonar a West Ham i edalsludurbladinu The Sun, og hann kalladur Eggy eda Egghead. Sa tessa mynd i bladinu i morgun og bara vard ad skella henni inn.. Sja her.

Horfdi a tatt i gaer, tar sem ad enginn annar er sjalfur Itrottaalfurinn kom fram. Latibaer er mjog vinsaell herna og DVD disknum er spad metsolu, ekki slaemt.

For a Muse a fostudaginn i Nottingham og tad var algjor snilld! Satum a godum stad og nutum okkar i botn. Fer svo aftur tangad i desember til ad sja Morrissey, hlakka endalaust til :) A leidinni heim fra Nottingham var frekar mikid vesen med rutuferdirnar, vid Ingo rett nadum sidustu tveimur saetunum til Derby og fullt af folki turfti ad vera eftir. Eg sat fremst vid hlidina a stelpu sem ad ollum likindum var kaerasta bilstjorans. Ad hlusta a samtolin milli teirra var brandari. Bilstjorinn turfti ad hringja i adra bilstjora til ad redda staerri rutu fyrir allt folkid sem beid, og hun gjammadi inn a milli hvad hann aetti ad segja, sem hann apadi upp eftir henni. Ef einhver hefur sed Phoenix Nights, ta minnti bilstjorinn mikid a Brian Potter - frekar slaemt, ha? Ef tid hafid ekki sed Phoenix Nights, ta maeli eg med tvi ad tid naid ykkur i ta taetti.

Aetla ad halda afram med efnafraedina, svo tekur the sun, OK!, Kerrang og New Scientist vid :)

Brrr....

2006-11-02T19:43:00.000Z

Veturinn kom í gær. Fram að því hafði verið mjög milt og frekar hlýtt. Fór út í bíl í gærmorgun og hélt ég myndi frjósa, og þurfti meira að segja að skafa af rúðunni. Var örugglega kaldara í dag en var í gær, og samkvæmt veðurspánni á BBC á það ekki eftir að breytast. Finnst þessi árstíðarskipti samt frekar skemmtileg, það fer ekkert á milli mála þegar það eru árstíðarskipti.

Hitinn ætlar þó að skríða upp í 11°C á laugardaginn og sólin ætlar að skína, sem betur fer. Er að fara á minn fjórða leik með Derby County og var eiginlega ekkert á því að fara í þessum kulda, en ég verð að fara, þetta er svo ógeðslega skemmtilegt :) Bara muna að fara í 2 flíspeysur og 2 ullarpeysur.. það ætti að duga...

Er að fara á Muse í Nottingham 17. nóvember með Ingó, og hlakka endalaust mikið til. Ætla svo að sjá Morrissey aftur í desember, fór á tónleikana í Höllinni í ágúst og það var bara snilld. Er búin að vera mjög slöpp í djammi upp á síðkastið, en fór síðustu helgi út á lífið í Long Eaton, næsta bæ við Derby. Skemmti mér bara vel, gott að komast aðeins út á lífið. Er svo að fara í brjálað Bonfire partý um helgina (vegna Guy Fawkes day - fjallaði aðeins um hann í fyrra) með haug af flugeldum og brennu í garðinum. Fæ þó allavegana smá sárabót fyrir að missa af gamlárskvöldi heima í fyrra, var mjög súrt að þurfa að horfa á flugeldana í sjónvarpinu beint frá London..

Hef ekki enn ákveðið hvort ég komi heim um jólin, prófin eru í byrjun janúar, og ef ég kæmi þá yrði ég bara yfir jólin. Pabbi og Birna eru að fara til London eftir viku og ég er að spá í að kíkja á þau einn dag, Heiða og Ella eru að fara til Glasgow í lok mánaðarins og ég er líka að spá í að kíkja á þær ef ég hef tíma, mamma og amma Brynja koma 1. des og verða til 5., og svo koma pullurnar mínar til mín 1. febrúar - vonum að árstíðarskiptin haldist og það byrji að vora frá og með þeim deginum.. efast nú samt stóóórlega um það :)

Annars gengur skólinn bara vel, er að drukkna í verkefnum og verð það út önnina. Næsta önn verður vonandi ljúf, verð bara í 3 fögum þá þar sem að ég er í 5 núna. Er að spá í að bæta einu fagi við á næstu önn en ég veit ekki hvort það muni gagnast mér mikið, sé til eftir áramót.

Verð að halda áfram að læra - verð að hofra á einn þátt sem byrjar kl. 9 ;)

It's alive - the sequel...

2006-09-27T19:57:00.000+01:00

Afsakið..

Chain reaction - hitabylgja -> fleiri og stærri hrossaflugur -> köngulóarfaraldur.. heppin ég ha? Fyrsta sem ég geri þegar ég kem inn um dyrnar er að athuga hvort það sé einhver búin að koma sér fyrir í hornunum hjá mér. Er þó aðeins búin að skána með hræðsluna, en er samt ennþá skíthrædd við helvítin. Hef ekki þorað að opna glugga hérna í lengri tíma.. :/ Þær koma sér líka alltaf fyrir á hliðarspeglunum. Reyni að muna eftir að taka vefina þegar ég fer út í bíl (alltaf kominn nýr vefur eftir nóttina) þar sem að ég fæ algjört panik kast ef ég sé þær á hreyfingu á hliðarspeglinum og ég á fullri ferð.. *hrollur*

Miðað við þessa frásögn þá er ég byrjuð að keyra út um allt á fínu toyotunni minni :) Komin með mína eigin íbúð líka í Mickleover, sem er úthverfi Derby. Bý samt eiginlega í hálfgerðu úthverfi af Mickleover, í glænýju hverfi þar sem að ekkert er nema hýbýli og golfvöllur, ekki einu sinni pöb. Sé bóndabæ þegar ég horfi út um svefnherbergisgluggann minn og keyri framhjá beljum til að komast út úr hverfinu. Algjör friður og ró, luvly!

Skólinn byrjaði á mánudaginn, fór í fyrsta tímann kl. 6 um kvöldið í efnafræði - maður þarf að vera léttbilaður að velja sjálfur að fara í efnafræðitíma kl. 6, eða hvað? Fór í örveru- og sjúkdómafræði í dag sem lofar mjög góðu, fáum að rækta okkar eigin E'coli veiru, ekki slæmt ;) Meiri efnafræði á morgun og svo forensic science in action. Research methods svo á föstudaginn, það lofar alls ekki góðu.. ábyggilega með þeim leiðinlegri áföngum sem við þurfum að taka og hann byrjar kl. 2... hver nennir í leiðinlega tíma kl. 2 á föstudegi? Ekki ég... en ég ræð víst litlu um það..

Jæja, ætlaði að blogga haug, man ekki neitt.. Vonandi eruði samt ánægð með endurkomu mína í bloggheiminn - vænti þess að fá feedback! ;)

It's alive...

2006-07-06T10:16:00.000+01:00

Örstutt blogg til að láta vita að ég sé á lífi. Lofa bloggi fyrir mánudaginn (sem þýðir að ég verð sveitt á sunnudagskvöldinu við að skrifa.. þ.e.a.s. eftir HM). Kíkti á stjörnuspána mína í morgun, hún hljómar vel:

Þú einblínir af þráhyggju á eitt vandamál og það án þess að þreytast á því. Ef þú heldur áfram á sömu braut færðu orð á þig fyrir geggjaða snilligáfu. Þú munt líka njóta mikillar velgengni. (mbl.is, 060706)

Hlakka til að verða talin snillingur og njóta velgengni. Ef það gerist ekki á næstu árum fer ég í mál.

Eurovision!!

2006-05-20T18:36:00.000+01:00

Jæja, hvaða 10 lönd haldast uppi og þurfa ekki að fara í semi finals á næsta ári? Ég spái þessum:

Svíþjóð
Rúmenía
Finnland
Malta
Bosnía-Hersegóvína
Noregur
Grikkland
Makedónía
Rússland
Írland eða Ísrael - álíka slöpp og væmin lög...

Svo eru Bretland (öööömurlegt lag með öööömurlegum gæja.. fæ alveg hroll, ógeðismaður..), Þýskaland, Frakkland og Spánn alltaf í aðalkeppninni, sama hversu illa þeim gengur.. í fyrra voru þau í 4 neðstu sætunum.. fair ha?

Er búin að leggja undir 2 pund á bæði Svíþjóð og Rúmeníu um að þau vinni... held auðvitað með Finnum en það er hæpið að þeir vinni, þó svo að þeir verði ofarlega, líkt og Wig Wam í fyrra. Hef haldið með Lettlandi í mörg ár og lagið þeirra í ár er mjög spes, allt acapella sem gerir það mjög freystandi að kjósa þá.. en ég verð að kjósa snillingana í Lordi :)

Síðasta prófið er á miðvikudaginn. Ætla í Alton Towers á föstudaginn með krökkunum úr skólanum, og svo verður kíkt út á lífið, vona að sem flestir komist þar sem að ég á ekki eftir að hitta þau aftur fyrr en í lok september eða byrjun október.. Mamma kemur svo líka á föstudaginn og við förum svo samferða heim laugardaginn vikuna eftir.. þannig að ég kem heim eftir 2 vikur sléttar :)

Lærdómur kallar!
Áfram Finnland, góða skemmtun í kvöld!! :)

Semi Final

2006-05-18T18:20:00.000+01:00

Örstutt blogg, próf á morgun..

My predictions for the night in no particular order:
Belgía
Finnland
Bosnía-Hersegóvína
Rússland
Svíþjóð

Restin af lögunum eru frekar slöpp.. Írland fer örugglega áfram með sitt of ógeðslega lag og sömuleiðis Kýpur... fæ alveg kjánahroll yfir þessum lögum..

Bætum við Eistlandi og Tyrklandi..

Og að sjálfsögðu Silvíu Night, hún hlýtur að komast áfram! Vona það allavegana, ég og Tobba (sem er með Tinu vinkonu í bekk) ætlum að mæta á Lonsdale á laugardagskvöldið í Silvíu gervi, og hún og Robbi, kærastinn hennar, eru með risafána líka.. Það væri svo skemmtilegt! Er búin að fá vin minn til að lofa að kjósa Silvíu í kvöld og hann ætlar fá alla sem hann vinnur með til að gera slíkt hið sama.

Go Silvía!! Góða skemmtun í kvöld allir! :D

Af glæpum, bingó og Jeremy Kyle..

2006-04-28T12:55:00.000+01:00

Fór á miðvikudaginn á gervivettvanginn og vá, hvað það var geggjað gaman! Allir hóparnir fengu sér herbergi til að vinna úr; taka myndir, teikna upp herbergið, skrifa skýrslu um hvað við sáum þegar við komum inn, og svo að skrá og pakka sönnunargögnum í evidence-poka. Vorum í fínu hvítu búningunum, tók mig mjög vel út í honum ;) Var alveg að fíla mig í botn. Á næsta ári þurfum við líka að taka skýrslur af vitnum og fara svo fyrir dóm :) Þurfum svo næstu 2 vikur að vinna úr sönnunargögnunum á rannsóknarstofunni, hlakka til :)

Fór í bingó í gær með stelpu sem er með mér í skólanum, hún er alveg bingó-óð, og ég skil núna af hverju. Það var frítt í gær og ég ætla sko aftur næst þegar það er frítt. Þetta tók eitthvað um 3 tíma að fara í gegnum öll bingóspjöldin, og svo var alltaf stoppað til að spila annað bingó sem maður þurfti að borga pund fyrir. Spilaði nokkur svoleiðis, og vantaði einungis Blue 47 í eitt skiptið, hefði getað labbað út með 50 pund. Er ennþá bitur.

Mér þykir fátt skemmtilegra að horfa á spjallþætti á morgnanna í anda Jerry Springer. Trisha Goddard á 5 er helvíti fín, með hausinn á réttum stað og er ekki eins og hún sé í bandarískri bíómynd. Jeremy Kyle á ITV1 er aftur á móti algjört fífl. Mér fannst Jeremy alltaf mun skemmtilegri en Trisha, en er búin að fá nóg af Jeremy þar sem að hann er mjög hrokafullur og leiðinlegur gagnvart white trash chavs liðinu sem kemur í þáttinn, með því að segja alltaf sömu asnalegu setningarnar við alla sem koma í þáttinn. Frægar klisjur eru t.d.:
-"and that [með geðveikri áherslu], ladies and gentlemen, is the point of this show!" og allt verður vitlaust!
-"I think you are the bravest person we have had on the show"
-"If you do this I can get you to go to Old Trafford/Anfield etc." við börn/unglinga sem eru erfið (já mútum barninu, það hjálpar því örugglega)
-"I've been on radio/tv for years" ohh.. hann er svo pró...
-"I know someone that this has happened to"
-"I would never treat my wife like this" nei ég vona ekki...

Æ hann er bjáni.. finnst samt gaman að horfa á þættina útaf ógeðslega trailer trashinu og þessari ógeðis chavs menningu sem tröllríður Englandi.. Þættirnir eru langskemmtilegastir þegar Jerry Springer kemur og tekur við af Jeremy þegar hann fer í frí.. Það getur enginn toppað Jerry Springer!

Myndir frá Íslandsför ættu að detta inn í dag.. ekki merkilegar samt, síminn minn varð alltaf fullur og ég gat ekki afhlaðið hann, þannig að ég þurfti að eyða út haug.. ætla að kaupa stærra minniskort.

Að lokum í anda Jerry Springer:
Take care of yourself.. and each other.

Komin heim aftur..

2006-04-24T20:43:00.000+01:00

Skrítið að kalla tvo staði sitt heimili. Erum sem sagt komin aftur heim til Derby eftir geggjað páskafrí heima á Íslandi. Ætlaði nú að blogga eitthvað heima en maður var alltaf svo busy.. ;) komum aftur hingað á laugardaginn. Var nú samt ekki alveg á því að fara í flugið þar sem að það snjóaði ansi vel rétt fyrir flug.. en sem betur fer hætti að snjóa áður en við fórum í loftið og vélin var afísuð. Er samt alltaf að skána með flughræðsluna.. fór að hugsa að ég hefði bara átt að skella mér í flugfreyjuna þegar ég var upp á mitt versta, hjálpar greinilega til að fljúga oft :)

Veðrið í Derby er geggjað, orðið mjög hlýtt og rakt, spáð 16 stiga hita í dag, en það var skýjað þannig að það varð ekki svo heitt.. 18 gráðum spáð á morgun og maður vonar bara að sólin nái í gegn ;) Fór út að borða með stelpunum á laugardagskvöldið og kíktum svo á bæjarrölt, sátum úti til að verða miðnætti á stað niðrí bæ, fannst ég bara vera allt annars staðar en í Englandi :)

Skólinn byrjaður á fullu, er að fara á Crime Scene Scenario á miðvikudaginn og ég get ekki beðið! Vona að við fáum að fara í flottu hvítu búningana og bláu sjúkrahús-utan-yfir-skó-sokkana, það væri bara best. Er mjög ánægð með hópinn minn, drullukveið fyrir að þurfa kannski að fara í þetta með fólki sem veit ekkert í sinn haus. Ætla að nýta tímann vel á morgun og fara yfir allt það helsta.

Próftaflan mín er komin, fer í próf 15., 19. og 24. maí. Ekki alveg sátt við að vera að fara í próf 19. þar sem að undankeppni Eurovision er kvöldið áður, ætla að reyna að fá sem flesta af mínum vinum til að kjósa Ísland :) Ætla svo á Sign tónleika í Birmingham 22. maí, sem þýðir að ég verð að vera svooooona dugleg að læra. Ingó heppni fer ekki í nein próf en þarf í staðinn að fara í ferðir.

Ingó var að byrja í nýrri vinnu í dag, á Ladbrokes sem er veðbúlla. Hann verður líka áfram að róta með ABBA tribute bandinu sem hann fór með til London í febrúar, þar sem að hann hitti Barböru Windsor (Peggy í EastEnders) og sá þá sem leikur Dot í EastEnders.. öfundaði hann pínu.

Blogga aftur e. miðvikudaginn, þegar ég er búin á vettvangi :) Takk allir fyrir að gera páskafríið okkar skemmtilegt :)

Vorið er komið!

2006-03-28T20:31:00.000+01:00

Loksins... búin að bíða eftir vorinu í langan tíma, en núna er það að öllum líkindum komið. Hitinn er farinn að slá í 13 gráður á daginn, verst bara að það er búið að vera rok eða rigning (eða blanda af báðu) síðan það fór að hlýna. Páskaliljurnar eru farnar að spretta alls staðar upp og ég sá maríubjöllu í skólanum síðasta mánudag. Klukkan var færð fram um einn tíma um helgina þannig að núna er bjart til svona hálfátta á kvöldin.

Við fljúgum heim eftir viku. Ætlum líklegast að gista hjá Julie (frænka hans Ingó sem býr í Bracknell, sem er ekki svo langt frá London) og fjölskyldu í annað hvort eina eða tvær nætur áður en við fljúgum heim. Ætluðum fyrir löngu síðan að vera búin að heimsækja þau, en tíminn hefur liðið furðulega hratt (er t.d. engan veginn að ná því að mars sé að verða búinn og apríl nálgast óðfluga). Listinn yfir það sem ég ætla að borða þegar ég kem heim lengist stöðugt, og ég efast um að ég hafi tíma (né efni) á að borða þetta allt! :)

Ingó fór til Liverpool á laugardaginn, til að horfa á Liverpool spila á móti Everton á Anfield. Hann er ennþá í skýjunum. Hann spjallaði við íslendinga sem voru þarna á staðnum sem sögðu honum að það væri erfitt að finna stað í bænum sem seldi bjórinn lengur á 500 kall.. vill einhver hughreysta okkur og segja okkur að þetta sé ekki orðið svo slæmt?

Á morgun fer ég í introduction to crime scene scenario. Miðvikudaginn eftir að við komum heim úr páskafríinu förum við á gervi crime scene, þar sem að við þurfum að safna öllum sönnunargögnum og vinna svo úr þeim síðustu tvær vikurnar, og ég hlakka ekkert smá til! Tek kannski CSI kit-ið með mér sem Erla og Elvar gáfu mér í kveðjupartýinu, ég slæ örugglega í gegn! Annars er brjálað að gera hjá okkur núna þessa síðustu viku fyrir páskafrí. Ætlum svo að taka síðasta djammið í Derby í bili á föstudaginn, þegar The Arms, barinn upp í skóla, lokar endanlega þar sem hann er núna, og verður svo opnaður á nýja staðnum vonandi eftir páska. Á föstudaginn verður heljarinnar dæmi þar og er yfirskrifin kvöldsins "Drink the bar dry".. við Ingó munum að sjálfsögðu ekki láta okkur vanta :)

Jæja, er busy! Later...

St. Patricks Day

2006-03-18T16:22:00.000Z

(fattaði það að það er mánuður síðan ég bloggaði síðast, rosalega líður tíminn óþolandi hratt!)

St. Patricks Day var í gær, og við fórum á írska pöbbinn í bænum (Ryan's - held að flestir sem komið hafa í heimsókn til okkar hafi farið þangað). Það var ótrúleg stemning á staðnum, og mikið drukkið af Guinness. Alltaf þegar keyptur var drykkur fékk fólk miða í happdrætti og við unnum 2 stóra Guinness hatta, einn uppblásinn pint af Guinness og Guinness fána. Hattinum hans Ingós var reyndar stolið seinna um kvöldið, en það er allt í lagi, við eigum ennþá einn :)

Við erum búin að fá haug af fólki í heimsókn síðustu vikur, Guffa kom í byrjun mánaðarins, sama dag og hún fór heim komu Chris og Julia, systir hans, og nokkrum dögum eftir að þau fóru komu Lára og Dóri. Hillary vinkona frá USA kom daginn eftir Láru og Dóra en gisti upp á Lonsdale. Næsta plan er að við komum heim um páskana - e. 17 daga, mikið hlakka ég til.. verst bara hvað það er brjálað að gera hjá mér þangað til og ég þarf líka að læra haug í páskafríinu.. best að nýta tímann vel :/

Jeminn, ég veit ekki hvað ég á að segja meira.. ég man afspyrnu lítið svona aftur í tímann.. ætla að henda inn nýjum myndum á eftir..

Æi..

2006-02-22T12:44:00.000Z

..hætt að nenna að afsaka mig.. ;)

Pabbi kom í síðustu viku í heimsókn og fór aftur í gær, og við höfðum það öll rosalega gott. Ég fór í fyrsta skiptið síðan ég flutti hingað út á safn.. maður er nú ekki alveg í lagi. Við pabbi skelltum okkur á Silk Mill safnið niður í bæ, sem er staðsett í gamalli verksmiðju, einni af þeim fyrstu. Þar er farið yfir allan iðnað sem verið hefur í Derby, fer bókað mál þangað aftur. Fórum svo með pabba upp í Ashbourne, lítinn bæ rétt hjá Derby, og hefðum rölt meira um þar ef að það hefði ekki verið skííítakuldi úti.. það er algjör vetrarkuldi hérna núna og hefur verið síðustu daga.. brr.. Fórum svo á Thai Dusit síðasta kvöldið. Milli þess var bara slakað á og tekið því rólega, held að pabbi hafi farið vel afslappaður heim :)

Einkunnirnar eru komnar í hús, fékk tvær A- og svo B-, C- og D+. Er frekar pirruð út af D+ en samt alveg sátt yfir að hafa náð (kemst þá fyrr heim í páskafrí). Kann það fag vel, en þetta helv.. tölvupróf var ekki að gera sig, þar sem að það var ekki hægt að flaka fram og til baka milli spurninga, maður varð bara að klára og submita svarið.. ömurlegt.. ég fór í panik-mode þar sem að prósenturnar er sýndar, hversu miklum tíma og hluta af prófinu er lokið. Eftir 1 spurninguna var ég búin með 10% af tímanum sem orsakaði eitt stórt panik.. sleppti haug til að ná að fara í gegnum allt.. en oh well.. náði þó :)

Það er búið að vera ótrúlega gaman í skólanum, sérstaklega í réttarrannsóknartímunum, þar sem að við erum bara í rannsóknarstofutímum á þessari önn. Erum búin að gera forpróf á blóð- og sæðisblettum, og munum í næstu viku fá fatnað annað hvort með blóði eða sæði til að finna og gera prófanir á. Erum líka búin að fara í það hvernig maður getur kyngreint beinagrindur, er núna búin að kyngreina beinagrindina mína (þ.e.a.s. Tiny Tim sem ég keypti fyrir jól - ekki sjálfa mig, það ætti að vera nokkuð augljóst hvers kyns hún er) og ég er nokkuð viss um að hann sé í raun hún.. ættum einnig að geta kynþáttagreint og aldursgreint ýmis bein og fleira í þeim dúr, ótrúlega skemmtilegt.

Guffa frænka kemur í næstu viku, hún er að fara í viðtal upp í skóla þar sem að hún er búin að sækja um í Creative Expressive Therapy, og ætlar að gista hjá okkur á meðan. Chris vinur okkar frá Þýskalandi kemur sama dag og hún fer og hann ætlar líka að gista hjá okkur og svo koma Lára og Dóri 9. mars, þannig að það er nóg að gera. Svo bara komum við heim nokkrum vikum seinna :) Við erum farin að hlakka þvílíkt mikið til að koma heim og hitta alla, og éééta, ég er búin að búa til lista yfir þann mat sem ég verð að fá mér, er alveg komin með cravings fyrir öllum góða matnum heima.

Jæja, ætla að enda þetta á klukkeríinu, er búin að vera klukkuð af Siggu, Laufey, Erlu og Lenu, og ég efast um að ég eigi nokkurn eftir til að klukka ;) Well here goes!

4 störf sem ég hef unnið við um ævina

-Ritari, móttöku og ýmislegt annað hjá Landsvirkjun
-Sumarvinna í Búrfelli
-Símsvörun á Pizzahúsinu
-Nýja Kökuhúsið í gömlu Borgarkringlunni

4 kvikmyndir sem ég gæti horft á aftur og aftur

-Stella í Orlofi (og hef horft á aftur og aftur og aftur..)
-Fifth Element (og í raun allt annað með Gary Oldman)
-Breakfast Club
-Rocky Horror Picture Show

Staðir sem ég hef búið á
-Laufvangi, Hafnarfirði
-Stóragerði, Rvk
-Grensásvegi, Rvk
-Álftamýri, Rvk

4 sjónvarpsþættir sem mér líkar (bara fjóra??)

-CSI: Las Vegas (of course)
-Queer as Folk
-Footballers Wives
-Mile High

4 staðir sem ég hef heimsótt í fríi

-Portúgal
-Mallorca
-Þýskaland
-Danmörk

4 síður á netinu sem ég heimsæki daglega

-andmenning.com
-mbl.is
-derby.ac.uk
-barnaland.is

4 matarkyns sem ég held uppá

-Spínatlasagnað hennar mömmu
-Slátur
-Íslenskur grillmatur
-Steiktar pylsur í pylsuvagninum í Laugardal

4 staðir sem ég vildi heldur vera á núna

-Undurfagra, ástkæra, ylhýra Íslandi
-Portúgal
-Einhverns staðar þar sem að það er heitt....
-Pass....

4 aðilar sem ég klukka
-Alla sem hingað til hafa ekki verið klukkaðir, nenni ekki að elta uppi þá sem ekki hafa verið klukkaðir ;)

Eitt að lokum, komnar inn myndir frá Portúgal!

Until next week...

Murder, she wrote...

2006-02-02T15:47:00.000Z

endur-, endurendur- eða endurendurendursýnt hér á daginn. Ég hefði aldrei viljað vera vinkona Jessicu Fletcher í Murder, She Wrote, eða þekkt hana yfir höfuð, þar sem að það dóu alltaf einhverjir í kringum hana, einhverjir sem hún þekkti eða kannaðist við. Skil ekki hversu lélegur Sheriff-inn var ef að Jessica þarf að ráða úr gátunni í öllum málum, af hverju var hún bara ekki ráðin í staðinn fyrir hann? Bara að spá. Samt ágætir þættir enn í dag.

Eins og ég hef áður afsakað; andleysi = bloggleysi.

Skólinn byrjaður aftur á fullu, brjálað að gera. Ætla að reyna að vera „on top of things“ á þessari önn til að lenda ekki í sama veseni og í fyrra. Fæ ekki einkunnirnar fyrr en 21. febrúar. Ingó er líka byrjaður og líkar vel. Hann á eftir að brillera, efast ekki um það.

Skrapp til Portúgal í rétt rúma viku, og ég hafði það ótrúlega gott. Við Tina tókum bíl á leigu (tókum þó ekki fulla tryggingu á bílinn eins og við hefðum átt að gera) og fórum strax á flakk fyrsta daginn, keyrðum bæði til Tavira og til Castro Marim, þar sem maður getur séð yfir til Spánar. Fórum svo morguninn eftir til Lissabon, og vorum þar í 4 daga. Við kíktum aðeins út á lífið á laugardagskvöldinu, sem var kannski ekki mjög sniðugt þar sem að afmælisveisla bæði fyrir ömmu hennar Tinu og systur hennar var haldin á sunnudeginum, með íslenskum saltfiski og miklu meðlæti. Ég hafði þó ekki mikla matarlyst sem var frekar pínlegt fyrir framan fullt borð af fólki sem ég hafði varla séð áður eða ekkert hitt. Fórum til Sintra á meðan við vorum í Lissabon, þar sem að okkur tókst svo listilega að klessa á staur, bara af því að við tókum ekki fulla tryggingu – Murphy’s Law, eh? Eyddum tveimur síðustu dögunum á Algarve (Tina býr í Galé, rétt hjá Albufeira) í sól og góðu veðri, náði mér í nokkrar freknur og smá roða – var eins og ég væri útitekin. Fórum til Sagres sem er vestasti hluti Evrópu, og þar leið manni eins og maður væri kominn á enda veraldar, geggjað. Smakkaði fullt af nýjum mat í ferðinni s.s. smokkfisk, kolkrabba og kanínu sem kom mér örugglega mest á óvart, ótrúlega góður matur. Tók haug af myndum en á auðvitað eftir að fara með þær í framköllun, læt vita þegar þær eru komnar á netið.

Tina á afmæli í dag, þannig að ég þarf að fara að baka köku. Hef ekki sagt frá helmingnum af því sem mig langaði að segja í þessu bloggi, einfaldlega vegna þess að ég man ekki það sem ég ætlaði að segja frá. Stefni á blogg vikulega hér eftir, þó svo að það verði stutt og innihaldslaust. Þetta gengur ekki, er það? Ætli það séu einhverjir sem nenni ennþá að kíkja hérna við?? ;)

Lofa bloggi fljótlega.

Stund milli stríða..

2006-01-10T17:43:00.000Z

er í andleysiskasti yfir lærdómnum þannig að ég ákvað að henda inn bloggi..

Góðar fréttir - Ingó ákvað að sækja um í háskólann hérna og ætlaði að reyna að fá inn á þeim skólagjöldum sem heimamenn og íbúar þeirra landa sem eru í Evrópusambandinu borga, s.s. 1.175 pund, á þeim forsendum að hann sé "farandverkamaður" eða migrant worker. Hann sótti um það hjá skólanefnd í bænum og fékk svar til baka um að hann eigi rétt á því að sækja um á þeim skólagjöldum. Hann sækir um upp í skóla og fékk inn, að sjálfsögðu. Það sem er best við þetta allt saman er það að þar sem að hann er undir einhverjum tekjumörkum þarf hann ekki að borga krónu af skólagjöldunum og fær auk þess styrk upp á 600 pund sem hann fær greidd út í þremur greiðslum yfir önnina! Bara geggjað! En já, þá er Ingó sem sagt að fara að setjast á skólabekk á ný, og fara að stúdera sögu - ekkert smá glæsilegt :)

Ég er búin að taka eitt próf og veit að ég náði því, hef þó ekki fengið úr því ennþá, einkunnin átti að koma inn í dag en er ekki enn komin. Hún kemur vonandi inn á morgun. Seinna prófið er á morgun og ég er búin að vera ótrúlega andlaus í dag að reyna að læra. Ég svo til Portúgal á hinn daginn, hlakka til að hitta Tinu aftur og fara til Lissabon, og slaka á! Ingó var að spá í að hitta John einhvern staðar í Cornwall en það var dýrara fyrir hann að fara þangað en fyrir mig að fljúga til Portúgal.. furðulegt..

Lára og Dóri voru hjá okkur yfir áramótin, æðislegt að fá þau í heimsókn. Ég gat ekki verið jafn mikið með þeim og ég hefði viljað vegna lærdóms, en þau 3 voru dugleg að fara í bæinn og Ingó fór með þau upp í Ashbourne að skoða. Fórum út að borða á gamlárskvöld, og vorum bara komin snemma heim, horfðum á skaupið á netinu og flugeldana á BBC, beint frá London. Mjög flottir flugeldar, en held að það jafnist ekkert á við flugeldana heima. Pabbi hringdi á slaginu 12 og þvílík læti í kringum hann, hann heyrði varla í mér.

Við áætlum svo að koma heim 3. apríl, ég er búin að bóka miða fyrir mig en Ingó vissi ekki hvernig vinnan yrði, þannig að hann á eftir að bóka fyrir sig. En af því að hann verður byrjaður í skólanum fær hann jafnlangt frí og ég, þannig að ef allt gengur upp, miðalega séð, þá verðum við heima í tæpar 3 vikur :)

Jæja, Ingó var að koma með McDonalds handa mér, ætla að skófla því í mig og vona að andinn komi yfir mig sem fyrst!!

Jólin..

2005-12-30T09:30:00.000Z

langar að byrja á því að þakka fyrir allar gjafirnar sem við fengum, öll jólakortin og kveðjurnar hérna á blogginu :) Vonandi hafið þið átt ánægjuleg jól.

Það urðu vaktaskipti hérna á síðustu 2 dögum; mamma fór í fyrradag og Lára og Dóri komu hingað í gærkvöldi. Við Ingó og mamma höfðum það rosalega gott um jólin. Ég og mamma kíktum í bæinn bæði á Þorláksmessu og aðfangadag, á meðan Ingó var að vinna. Ég fékk alveg minn skammt af jólastressi á Þorlák (sakna kannski jólastressins í Kringlunni ekki eins mikið og ég hélt), en aðfangadagur var ótrúlega rólegur í bænum og við slökuðum vel á. Fórum út að borða á Frankie and Benny's á aðfangadag og Thalia vinkona kom með okkur, hún tímdi ekki að borga 500 pund fyrir fjögurra daga ferð heim til sín, skil það vel. Kíktum svo á hverfispöbbinn eftir mat en við vorum öll orðin svo dösuð að við fórum snemma heim. Við urðum eiginlega að kíkja á pöbbastemninguna, þar sem að Englendingar gera það á jólunum. Staðurinn var þétt setinn. Ég horfði nefninlega á EastEnders jólaþættina frá upphafi helgina fyrir jól og þetta er málið hjá Bretanum; pöbbinn á aðfangadagskvöld. Við héldum okkur þó við hefðina að opna pakkana á aðfangadag :)

Jóladagur var mjög kósý. Átum, spiluðum og slöppuðum af með bækur og góða tónlist - fullkominn jóladagur. Fengum að sjálfsögðu nýja Trivial í jólagjöf og það var spilað grimmt. Mamma kom með hangikjöt að heiman, grænar baunir, laufabrauð, malt og ýmislegt annað sem gerði jóladaginn mjög íslenskan, það var æði. Útsölurnar byrjuðu svo annan í jólum og við kíktum aðeins í bæinn þá og daginn eftir. Ætluðum inn í Next en hættum snarlega við það, þar sem að þar var troðið næstum því út úr dyrum og sömuleiðis í HMV, fórum þangað inn en vorum fljótar út aftur, þar sem að raðirnar á kassana voru ótrúlega langar. Það var rosalega gott að hafa mömmu hérna hjá okkur á jólunum, en ég saknaði þess að komast ekki í jólaboðið til pabba, en það er farið að styttast ískyggilega mikið í páskana og ég hitti þau vonandi öll þá :) Og takk mamma fyrir að koma, þetta var æðislega kósý :)

Lára og Dóri komu í gær, og ég ákvað að vakna snemma til að fara að læra, fékk vægt sjokk þegar ég áttaði mig á því að það er bara rétt rúm vika í fyrsta próf - nei afsakið, í dag er vika í fyrsta próf :/ Og ég þarf að gera efnafræðiverkefni sem á að skila mánudaginn eftir fyrsta prófið og svo er seinna prófið á miðvikudeginum eftir það.. ó boy.. Ætlum örugglega að kíkja í bæinn í dag, þannig að það er best að fara að spýta í lófana.

Gleðilegt nýtt ár allir og takk fyrir þau gömlu!! Skemmtið ykkur vel á áramótunum en gangið samt hægt um gleðinnar dyr! :)

Síðustu vikur

2005-12-21T17:54:00.000Z

Afsakið aftur.. jæja.

Heiða og Haukur komu til okkar 1. des, við sóttum þau út á East Midlands flugvöll (voru svo sniðug að fljúga í gegnum Glasgow til EMA) og komum auðvitað við á púbb á leiðinni heim :) Daginn eftir, ammlisdaginn minn, fór ég í skólann og þau 3 sváfu eitthvað fram eftir (3ji aðilinn Ingó, hann tók sér frí í vinnunni á meðan þau voru hérna). Þau fóru auðvitað í bæinn til að versla og hittu svo Tinu til að fara að versla í matinn fyrir afmælið, Tina er snillingur í sjávarréttum og eldaði brjálæðislega góðan rétt og vorum auðvitað með krabba í forrétt... jummý... Það varð þó lítið um djamm hjá mér á afmælisdaginn, þar sem að ég hafði verið með magavesen, örugglega vegna álags, og gat með engu móti farið niðrí bæ. Fór þó með þeim á Lonsdale barinn að hitta alla og þau fóru svo niðrí bæ. H&H, Tina, Hillary, Óðinn og John komu svo öll hingað með Ingó eftir djammið og þau skrölluðu fram á morgun. Ég var mjög ánægð með að þau hafi skemmt sér vel á afmælinu mínu :) Frekar fúlt að vera slappur á 25 ára afmælinu sínu.. hefur kannski bara verið afmæliskvíði ;)

Kvöldið eftir fórum við út að borða á Thai Dusit, besti thailenski matur sem ég hef smakkað. Þar fundu Haukur og Ingó ansi sniðugt "hljóðfæri" sem var brandari kvöldsins hjá þeim tveimur, við Heiða fengum ekki að vita brandarann fyrr en á leiðinni út. Handriðið á staðnum er holt, og Haukur stakk upp á við Ingó að hann blési í handriðið, sem hann gerði. Við heyrðum ekki neitt, en þeir komu til baka í hláturskasti. Þeir fara svo aftur fram seinna og koma til baka aftur skellihlæjandi. Við Heiða alveg að farast úr forvitni, þannig að þegar við fórum út voru þeir voða spenntir. Ingó blés svo vel og kröfuglega í handriðið, og það kom þetta fínasta muuuu hljóð úr því, ég hélt við myndum öll deyja úr hlátri :) Ykkur finnst þetta kannski ekki fyndið, en ég hlæ ennþá að þessu. Kítum svo á Santanda, þar sem Tina vinnur, í nokkra drykki, var búin að lofa Heiðu besta Mojito sem hún hefði smakkað en hann var ógeðslega misheppnaður, og sömuleiðis White Russian-inn sem við fengum okkur eftir. Ég hafði farið þangað helgina áður og bara fengið góða kokteila, týpískt!

Á sunnudeginum fórum við í bæinn að versla meira (alltaf gaman :)) Við fórum svo í bíó eftir verslunarleiðangurinn; Ingó, Haukur (með flottustu kollu ever), Óðinn og John fóru á Doom, og við Heiða á Exorcism of Emily Rose, kom okkur báðum á óvart hvað hún var góð og lítið scary. Vorum að spá í hvort við höfðum hæpað okkur of mikið upp eða hvort við værum orðnar ónæmar :p Við kíktum auðvitað á localpöbbinn eftir það. Ingó og Haukur ákváðu að fara niðrí bæ, hittu þar hávaðasama nágranna okkar, Kraig, og enduðu á að fara til hans eftir bæinn. Ingó skreið hingað yfir um 3, en Haukur ekki fyrr en í morgunsárið. Brá mjög að sjá hann sofandi upp í sófa morguninn eftir - hann var víst það blekaður að hann gat ekki hitt lyklinum í skráargatið. Brá mikið að sjá hann sofandi í sófanum morguninn eftir.

Þau kíktu í bæinn til að versla meira á mánudeginum meðan ég þurfti að fara í skólann. Ég hitti þau svo á pöbb niðrí bæ eftir skóla, og Tina og Dimitri kíktu á okkur. Fórum svo út að borða á Frankie and Benny's, einn af okkar uppáhaldsveitingastöðum hérna og hann er í 5 mín. labbfæri frá okkur. Fórum svo yfir á pöbbinn. Við þurftum svo að vakna of snemma til að skutla þeim hjúum upp á völl.
Myndir af heimsókninni koma á eftir, og svo á eftir að bætast fleiri myndir. Takk fyrir heimsóknina krúttin mín, hlakka til að hitta ykkur aftur um páskanna :)

Ég var ógeðslega busy vikuna eftir, þurfti að klára ritgerð og halda fyrirlestur með hópnum mínum um ritgerðina. Kíktum á pöbbinn í skólanum eftir fyrirlesturinn á föstudeginum, áttum það svo skilið :) Helgin fór svo í meiri lærdóm fyrir mig, á mánudeginum var klukkutíma tímaritgerð í erfða- og þróunarfræði, þurfti að klára allt sem skila átti með fyrir EffectiveLearingSkills áfangann sem fyrirlesturinn var í, og skrifa 3000 orða ritgerð um líkamlega og sálfræðilega þætti sem gera menn að glæpamönnum fyrir afbrotafræði. Ingó skemmti sér á meðan, var sem minnst heima ;)

Við vorum búin að ákveða að fara út á föstudaginn síðasta, vegna þess að Chris og Martin, vinir okkar frá Þýskalandi, voru að fara aftur heim. Þeir koma ekki aftur, voru bara skiptinemar. Hillary og Joel eru líka farin og við söknum þeirra ógeðslega mikið, hefði aldrei trúað því að maður gæti eignast svona góða vini á jafnstuttum tíma. Við eigum þó heimboð bæði í Bandaríkjunum og Þýskalandi núna. Ingó er að spá í að kíkja til Þýskalands í sumar þegar eitthvað fótboltadót verður í gangi. Við fórum á Friary, og það var djammað.. langt síðan ég hafði djammað svona vel, búið að vera allt of mikið að gera hjá mér í skólanum. Hitti Pam, stelpu af öðru ári sem ég hafði kynnst í fyrsta partýinu, þau voru öll á djamminu með tveimur af kennurunum okkar. Þau tvö eru ferlega hress, ótrúlega gaman að þeim :)

Ég náði ekki að slaka almennilega á fyrr en á mánudaginn, ótrúlegt hvað stress getur verið lengi að fara úr líkamanum. Fann þó alveg fyrir því þegar það gerðist, var búin að vera með brjálaða hnakkastífni allan daginn á laugardeginum, og fékk svo brjálaðan hausverk uppúr þurru um kvöldið. Ég varð bara mjög hrædd og var viss um að ég væri komin með heilahimnubólgu (nb. búin að fara í sprautuna og allt) en við hringdum samt í hjúkrunarfræðing.. og auðvitað var ég bara paranoid - er ógeðslega sjúkdómahrædd. Hún sagði að þetta væri líklegast eftir það að hafa setið fyrir framan tölvuna í marga daga og sagði mér að halda mér frá tölvunni í einhvern tíma og sjónvarpinu sömuleiðis.. ég sagðist gera það en hugsaði með mér að það er greinilegt að hún þekki mig ekki ;) En ég slökkti á tölvunni og kveikti ekki aftur fyrr en seint daginn eftir - mjög ánægð með mig :)

Mamma kemur á morgun, jólin eru plönuð þannig að við ætlum út að borða á aðfangadag og svo á pöbinn.. taka bresk jól á þetta :) Horfði alla síðustu helgi á jólaþætti EastEnders frá byrjun, og það er alltaf málið, borða og fara á pöbbinn og það er alltaf brjálað stuð, ég hlakka eiginlega bara svolítið til - afslappað og þægilegt, ekkert uppvask og svona ;) Lára og Dóri koma svo vikuna eftir og verða yfir áramótin.

Ég er svo búin að bóka flug fyrir mig til Portúgal eftir prófin, ætla að heimsækja Tinu vinkonu og við ætlum t.d. að fara til Lissabon - hef aldrei farið þangað þrátt fyrir að hafa farið til Algarve alloft. Það verður enginn hér og Ingó verður að vinna alla daga, nenni ekki að hanga hérna ein. Hann á auk þess enska vini hérna þannig að hann verður ekki einn og hann er að spá í að heimsækja John til Cornwall þegar ég verð farin.

Jæja, síðustu vikur komnar á blað, verð duglegri í framtíðinni.. nennti ekki að lesa þetta yfir þannig að ef það eru stafsetninga- og málfræðivillur í þessu, biðst ég afsökunar :)

Tímaleysi...

2005-12-13T14:25:00.000Z

þar af leiðandi bloggleysi..

hef verið að fá kvartanir vegna lítillar hreyfingar á blogginu síðustu vikur. Verður bloggað um leið og ég hef einhvern tíma fyrir sjálfa mig, s.s. næstu helgi - hef varla tíma til að anda!

Snjór!

2005-11-25T18:16:00.000Z

Allastaðar annars staðar en hjá okkur.. mikill snjór í Skotlandi og í Wales, þar sem að 450 skólum var lokað vegna snjós. Mig langar líka í snjó. Búið að vera skítkalt undanfarna daga, nenni ekki svona kulda ef ég fæ ekki snjó með.

Við erum búin að fjárfesta í eðalbifreið, stórglæsilegri Corollu, 1997 módel, rauð, með topplúgu og það sem er best, hún er sjálfskipt! Aldrei hefur mig langað til að eiga sjálfskiptan bíl fyrr en núna, einum minni hlutur að hugsa um :þ Ingó er búinn að rúnta grimmt á honum, og fór á honum í vinnuna í morgun, ég ætla að bíða að eins með það.

Fékk bréf frá læknastofunni upp í skóla í dag. Í því er mér boðið í flensusprautu. Ég hugsa að ég fari í hana þar sem að ég er hvort sem er búin að fá tvær sprautur síðustu tvær vikurnar, annars vegar fyrir heilahimnubólgu, hins vegar lifrabólgu B. Þarf svo að fara aftur í lifrabólgusprautuna um miðjan desember, og aftur í maí. Ein sprauta til, hvað er það?

Ingó er að fara á eitthvað strákadjamm í kvöld, ég ætla að vera heima og læra. Mig langar nefninlega að fara á Zanzibar annað kvöld þar sem að goðsögnin Peter André mun trylla lýðinn (stelpurnar). Má eiginlega ekki missa af því. Verður líka gaman að sjá Bretann tapa sér á götum borgarinnar þar sem að skemmtistaðir og pöbbar geta nú sótt um 24 tíma leyfi fyrir opnun.

NEWS FLASH: TAKE THAT hafa tekið saman á ný (án Robbie auðvitað) og eru að fara á tónleikaferðalag á ný!!!! Þvílík endalaus gleði! Ég þarf að fylgjast með þessu og ég ÆTLA sko á tónleika með þeim, það er eitthvað sem ég hélt að ég myndi aldrei sjá!

Rafmagnsleysi..

2005-11-20T17:07:00.000Z

Ingó hringdi í mig í gær úr vinnunni (tók aukavakt á laugardegi) og sagði mér að það væri rafmagnslaust hjá þeim. Sendi mér svo sms og sagði rafmagnið farið af flugvellinum líka og í einhverjum nágrannabæjum við flugvöllinn væri rafmagnslaust. Það er víst verið að spara rafmagnið þar sem að þessi vetur á eftir að verða kaldasti veturinn í langan tíma (heppin við!), og beina einungis rafmagni inn á spítalana og heimili.. líður eins og í kreppu, vildi varla kveikja á tölvunni ;) Það er orðið ansi kalt hérna núna, allt frosið á morgnanna þegar maður fer út, svolítið kósý verð ég bara að segja.

Var ótrúlega glöð á miðvikudaginn, þegar það var sýndur Take That þáttur á ITV. Ingó flúði inn í herbergi til að horfa á allt annað en TT, skil ekki af hverju :þ Þeir sýndu brot frá blaðamannafundinum þegar þeir tilkynntu að þeir væru hættir, og ég get svarið fyrir það að ég fékk bara sömu tilfinningu og þegar ég horfði á þetta á MTV forðum daga - fór þó ekki að grenja eins og þá ;)

Við Ingó fórum fyrir viku síðan og keyptum okkur nýja, überhátækniþróaða síma. Svolítið stökk fyrir mig að fara úr gamla símanum mínum yfir í síma með litaskjá, pólýfón tónum og myndavél (ég veit - standard í símum í dag) sem er auk þess mp3 spilari og er með nettengingu - og símanum fylgdu heyrnartól og tengi fyrir prentara, þannig að ég get prentað myndir beint úr símanum mínum.. ótrúlegt.. er þó enn með gamla líka, á eftir að taka ansi langan tíma fyrir mig að venjast þessari græju..

Fórum í Sainsbury's að versla síðasta sunnudag. Stóðum og kjöftuðum í mjólkurdeildinni, þegar við heyrum einhvern spyrja hvort við séum að tala íslensku. Tók okkur smá tíma að fatta að það var verið að tala við okkur - á íslensku. Þá var þetta kærasti stelpu sem ég er búin að vera að spjalla við af barnalandi. Hann er búinn að búa hérna í held ég 1 og hálft ár, og hún var hérna í mánuð með litla strákinn þeirra. Við ætluðum alltaf að hittast en tíminn flaug hjá og hún er núna farin heim, en kemur aftur í janúar. Furðulegt að við skyldum hitta hann í Sainsbury's af öllum stöðum :)

Fórum í fyrsta ökutímann í dag, Ingó stóð sig eins og hetja, ég eins og kjáni. Þetta kemur samt ótrúlega fljótt, bara fjarlægðin frá bílstjórasætinu á kantinn hinum megin er fáranleg, keyrði 2x upp á kant þegar ég var að beygja. Gekk ágætlega í hringtorgunum en ætli það versta sé samt ekki að þurfa að skipta um gír með vinstri.. furðulegt.. ætlaði að skipta um gír fyrstu skiptin með hægri, hefði ekki mikið grætt á því nema kannski marbletti við það að kýla hurðina. En þetta gekk stóráfallalaust fyrir sig, og við förum í annan tíma næsta sunnudag.

Heiða hringdi í mig á föstudaginn með þær gleðifréttir að þau koma viku fyrr, þannig að þau verða yfir afmælið mitt! Fékk vægt sjokk þegar hún sagði að þau kæmu þá eftir 2 vikur - er ekki að komast yfir það hvað tíminn líður hratt. Við hlökkum alveg endalaust mikið til að sjá þau :)

Jæja, verð að fara að læra, reyni að blogga aftur innan viku.

Óskemmtilegt veður..

2005-11-11T15:59:00.000Z

Það mætti bara halda að hingað væri komið monsoon-tímabil.. neinei, kannski svolítið ýkt.. þurfti að fara niðrí bæ eftir skóla að ná í jakka sem ég keypti með mömmu síðustu helgi, þar sem að afgreiðslustelpan reif hann þegar hún var að taka þjófavörnina úr (mjög sniðug).. það er aðeins byrjað að dropa á leiðinni í búðina og hún var orðin aðeins meiri þegar ég kem úr búðinni. Ég ákveð að taka ekki regnhlífina úr töskunni þar sem að þetta var bara smá rigning.. hefði betur átt að gera það, þar sem að rigningin jókst stöðugt og endaði í vænni dembu, auk þess sem að ágætis rok hafði verið fyrir til staðar. Pilsið mitt er doppótt núna eftir rigninguna, og ég með fáránlega flott wet-look.. not..

Við Ingó fórum í keilu á þriðjudaginn með nokkrum krökkum frá Lonsdale. Þegar við Ingó komum þangað opnaðist fyrir mér nýr heimur, áttaði mig á því hversu lítið ég þekki af Derby; nánasta umhverfi við íbúðina okkar, leiðina niðrí bæ og leiðina upp í skóla. Þar sem keilan er, er einnig bíó (Ingó reyndar búinn að fara nokkrum sinnum þangað með strákunum frá Lonsdale.. ég nenni ekki í bíó hérna frekar en heima ;)), Pizza Hut sem mig er farið að langa á, KFC sem er reyndar líka niðrí bæ, en þó ekki með bbq-kjúklingabita *hneyksl* og eitthvað fleira. Við þurfum greinilega að fara að flakka hérna um.. :S

Fórum á miðvikudaginn aðeins út að hitta krakkana. Byrjuðum á Varsity (2 fyrir 1 á miðvikudögum) og fórum svo á Bespoke (tilboð á barnum á miðvikudögum í samstarfi við Spank - stúdentakvöld). Þau fóru svo öll á Zanzibar sem er eingöngu opinn fyrir stúdenta á miðvikudögum. Ingó kemst því þar af leiðandi ekki inn, þó svo hann hafi smyglað sér með strákunum oft áður, þá með lyklana þeirra að herbergjunum á campusnum. Síðast þegar hann fór tóku dyraverðirnir skýrt fram að næst yrði hann að koma með skírteinið, annars kæmist hann ekki inn. Við fórum heim og ákváðum að kíkja í smástund yfir til Noisyboy, sem endaði með því að við komum hingað yfir aftur um 2 leytið. Til að útskýra, þá er Noisyboy nágranni okkar sem spilar músík hátt, sem pirrar okkur lítið sem ekkert, heldur eru það vinir hans sem fara í taugarnar á okkur, því þau koma öllum stundum - og eru ekkert að spá í hvort að það séu fleiri í kringum þau. Honum finnst þetta líka óþolandi, sagðist hafa búið í bænum og fengið heimsóknir á öllum tímum, hafi flutt hingað til að fá frið, en þau koma bara hingað í staðinn.

Heiða og Haukur eru búin að bóka far út 8. des, hlakka ekkert smá til að sjá þau. Ætla að athuga hvort ég geti ekki fundið einhverja skemmtilega draugagönguleið.. talandi um drauga, þá er Derby draugabær Englands, fyrir ykkur sem ekki vita. Ég er nokkuð viss um að hér sé reimt, í gær opnaðist upp úr þurru diskadrifið á tölvunni minni, og í morgun slokknaði ljósið í herberginu.. hélt kannski að peran væri sprungin en svo var ekki.

Smá update af dýraríkinu hjá okkur, þá er Fiona á bak og burt. Við erum alveg viss um að Ingó hafi eitrað fyrir henni með því að gefa henni flugu sem hann hafði spreyjað til dauða með flugnaeitri eða einhverju þvíumlíku. Ég er samt handviss um að það sé eitthvað samsæri í gangi og hún komi aftur innan tíðar, mun stærri og feitari en hún var svo hún geti hrellt mig meira.. vona samt ekki.

Jæja, föstudagur, búin að skila ritgerðinni, og ætla hlamma mér upp í sófa og horfa á innantómt raunveruleikasjónvarp. Hafið það gott um helgina!

Gamlárskvöld..?

2005-11-06T21:54:00.000Z

nei.. Guy Fawkes day.. hvað sem það nú er. Mikið búið að vera um flugelda síðustu daga, Guy Fawkes day var í gær og Diwali, nýár hindúa gekk í garð í vikunni með tilheyrandi sprengingum, maður fær bara á tilfinninguna að maður sé heima á gamlárskvöldi, sérstaklega þar sem það er aðeins farið að kólna hérna..

Mamma kom til landsins á miðvikudaginn og fór aftur heim í dag. Ég fór til London að hitta hana beint eftir skóla, og gistum á ekki ómerkari stað en Hilton hótelinu í Kensington. Ætluðum að kíkja út að versla eftir að við tékkuðum okkur inn, en þar sem að móðir mín tók óvart svefntöflu í staðinn fyrir járn, varð hún rosalega þreytt og fékk mikla sjóriðu, þar sem að líkaminn var að sofna á undan henni. Hún sofnaði svo og eftir að það hafði tekið mig 10-15 mín að vekja hana ákváðum við að kíkja út og reyna að finna okkur eitthvað að borða. Við fórum svo snemma að sofa, til að geta farið snemma niðrí bæ að versla :) Við skelltum okkur á Kensington High Street og náðum að versla ansi mikið. FYI þá hef ég engin föt verslað síðan ég flutti út, sem er mjög ótrúlegt, ég veit.. en það sem er enn ótrúlegra er það að ég hef ekki farið í klippingu síðan 26. ágúst! Hélt að þetta myndi aldrei gerast.. Náðum svo að versla meira hérna í Derby, og við 3 enduðum svo í Argos í gær að versla það sem vantaði á heimilið, bókahillur o.þ.h. Erum búin að hafa það mjög gott, fórum út að borða á Nandos í gær, veitingastað með mjög góða PiriPiri kjúklinga og portúgalska bjóra, þannig að manni fannst maður bara vera komin til Portúgal :) Við mæðgur tókum því bara rólega í gærkvöldi meðan Ingó skrapp til noisyboy hérna við hliðina á okkur. Mamma kemur svo aftur e. 6 vikur og Lára og Dóri vikuna eftir.. og ég veit að þetta á eftir að líða allt allt allt of hratt!

Verð að segja að heilbrigðisþjónustan hérna er helvíti góð.. hef aldrei borgað jafn lítið fyrir jafn mikla heilbrigðisþjónustu eins og ég hef þurft að nýta mér hérna. Fékk bronkitis aftur í september, nýbúin að losna við þá sem ég fékk rétt áður en við fluttum út. Ingó hringir fyrir mig í læknaþjónustu og ég fæ tíma hjá lækni, sem ég þurfti ekki að borga fyrir. Ég þurfti að kaupa lyf, sem kostuðu 6.50 pund. Eftir að pensilínið var ekki að virka, fór ég til læknisins upp í skóla og hann lét mig fá lyfseðil fyrir tveimur mismunandi lyfjum, sem ég borgaði 13 pund fyrir, s.s. öll lyfseðilskyld lyf kosta 6.50. Þurfti auk þess ekki að borga fyrir heimsóknina. Er svo búin að vera að drepast í einum jaxli og var það orðið það slæmt að ég gat ekki sofið á nóttunni. Ég fæ númer upp í skóla hjá neyðartannlækni og ég fæ tíma morguninn eftir. Hann skoðar, tekur röntgenmynd, deyfir 2x, borar, lagar og fyllir upp í (reyndar með bráðabirgðafyllingu) og fyrir þetta allt borgaði ég 13.12 pund.. 13.12 pund!! Ég skrifaði ávísun upp á skitin 13.12 pund fyrir tannlæknaþjónustu..

Nýja myndir á leiðinni í albúmið, aðallega af einhverju djammi. Ég ætla svo að vera duglegri við að blogga, er örugglega að gleyma haug af hlutum sem ég ætlaði að segja frá. Er að reyna að láta Ingó líka fá aðgang að blogginu á sínu nafni, veit bara ekki hvernig ég á að fara að því.. þið sem kunnið þetta megið kenna mér þetta :)

Daylight saving time...

2005-10-30T01:54:00.000Z

eftir 5 mínútur færist klukkan einn tíma til baka.. þannig að við verðum á sama tíma og Ísland.. hlakka mikið til :) Verður frekar skrítið þó að þurfa að breyta tímanum, fínt samt að græða einn tíma, get sofið einum tíma lengur á mánudaginn.. svo verður allt náttúrlega komið í sama horfið eftir nokkra daga. Þetta er samt skemmtilegt, fyrsta skiptið sem ég upplifi þetta :)

Helvítis köngulær..

2005-10-26T22:31:00.000+01:00

Búið að vera óvenju hlýtt hérna hjá okkur í október, sem þýðir að köngulær og flugur hafa lifað mjög góðu lífi..

Í stigaganginum hjá okkur hefur ein könguló komið sér vel fyrir, hún er búin að vera þarna síðan rétt eftir að við fluttum inn - ég er orðin svo vön henni að ég nefndi hana Fionu.. núna eru tvær í viðbót búnar að koma sér fyrir.. frábært :/

Mamma kemur í næstu viku, ég ætla til London á miðvikudaginn að hitta hana, og við erum búnar að panta hótel fyrir eina nótt.. mamma hefur aldrei komið til London þannig að mér fannst það upplagt að við myndum dúlla okkur saman þar í einn dag. Hún kemur svo aftur um jólin og mamma og pabbi hans Ingó koma um áramótin. Heiða og Haukur eru einnig að velta því fyrir sér að koma fyrir jól, jafnvel vera yfir afmælið mitt :)

Annars er lítið að frétta af okkur, dagarnir líða allt of hratt.. komnir 2 mánuðir síðan við fluttum út, búin að vera í skólanum í 5 vikur og mér finnst ég bara vera nýbyrjuð. Þessi þrjú ár eiga eftir að fljúga, það er nokkuð víst.

Afsakið bloggleysi..

2005-10-22T10:40:00.000+01:00

Ég held að ég hafi bara aldrei átt jafn slæman morgun og í gær.. mér fannst bara eins og það væri best að ég yrði bara heima þennan dag. Druslaðist þó af stað, og sé ekki eftir því, um leið og hindanirnar voru yfirstignar þá varð dagurinn ljúfur. Ingó tók óvart með sér báðar lyklakippurnar í vinnuna, og ég fatta það þegar það er u.þ.b. korter þangað til strætó kemur. Ingó var þá rétt ókominn í vinnuna, sem að í um 20 mín fjarlægð frá okkur. Það fer allt í panik, Ingó hringir í leigubíl til að skutla lyklunum til mín. Bíllinn er pantaður um tíu mín. fyrir 10, en eitthvað var hann lengi á leiðinni, þar sem að hann kom ekki til Ingós fyrr en um 40 mín seinna. Ég fer út í búð til að fá pening svo ég geti borgað leigubílnum og bíð fyrir utan að tapa mér í stressinu. Bíllinn kom svo loks um 5 mínútur yfir 11, ég hleyp upp og læsi og tek svo bílinn áfram upp í skóla.. mér tókst að vera komin í tíma 15 mín of seint, og hélt jafnvel að mér yrði ekki hleypt inn, en ég setti bara upp saklausa/humble svipinn og spurði hvort ég mætti koma inn. Kennarinn var ótrúlega rólegur yfir þessu, eins og flestir kennararnir hérna eru, vilja allt fyrir mann gera – en láta mann þó ekki komast upp með neitt kjaftæði. Fékk ritgerðina mína til baka, fengum ekki einkunn en commentið sem ég fékk var ‘generally very good indeed, but tend to become too historical towards the end’. Mjög sátt.

Fór út á lífið kvöldið áður með deildinni minni og afbrotafræðinemendum. Var þó varla að nenna að fara það sem að við höfðum kíkt út á miðvikudagskvöldinu líka. Ég mætti í teitið einum og hálfum tíma of seint, og þakka eiginlega bara fyrir það, þar sem að þetta var frekar slappt teiti til að byrja með. Strákurinn sem sér um deildina okkar (segi strákurinn þar sem að hann er 2 árum eldri en ég) benti mér á hvar allir úr mínum árgangi voru, en þar sem ég þekkti engan þar langaði mig bara til að sitja með bjórinn minn í smástund. Hann vildi ekki hafa það og þegar að þarna kom stelpa á 2. ári kynnti hann okkur og hún bauð mér svo að sitja með þeim. Ég er núna mjög fegin að hafa gert það því að við náðum ágætlega saman og hún bauð mér að vera samferða þeim á ráðstefnu sem verður haldin í desember, og ég ætla bókað mál að fara.

Fólk spyr mig oft hvort ég sakni ekki Íslands. Auðvitað sakna ég þess, sakna fjölskyldunar og vinanna ótrúlega mikið, en ég reyni bara að hugsa um það sem minnst, ég get ekkert gert í því og kemst ekki heim fyrr en um páskana. Er farin að fara á síður með myndum af Íslandi og skoða.. svo horfi ég nú líka á íslenska bachelorinn og popppunkt á netinu og sé því allar auglýsingar líka, sem er bara skemmtilegt. Vill einhver segja mér frá Ástarfleyginu? Er það svipað og Love Cruise þátturinn sem var einhvern tímann sýndur á skjá einum? Ég er alveg lost, vildi að ég gæti séð það líka á netinu, en það er víst ekki hægt. Væri líka til í að fá upplýsingar um Idolið heima, ég horfi í staðinn á X-factor og það verður mjög spennandi þáttur í kvöld.

Aðeins meira um sjónvarp, BBC ætlar ekki að sýna Eurovision afmæliskeppnina, mér finnst það ömurlegt. Langar bara helst að hringja í Terry Wogan vin minn og spyrja hann hvað gangi eiginlega á. Mjög svekkt yfir þessu, finnst þetta hneyksli. Eitt í viðbót, Footballers wives byrjar ekki hjá okkur fyrr en eftir áramót, samt byrjar hann hjá ykkur í næstu viku.. ömurlegt.

Ef ykkur leiðist, kíkið á þessa síðu – www.bitterwaitress.com – fullt af skemmtilegum sögum frá pirruðu þjónustufólki, bæði af almúganum og stjörnunum :)

Í framhaldi af síðustu færslu, þá verður að öllum líkindum fjárfest í bíl í næsta mánuði, mikið hlakka ég til.

Strætó..

2005-10-11T14:16:00.000+01:00

Ég var ótrúlega sátt við að taka strætóinn hérna fyrst, þurfti þó að kyngja þessu „ég tek ekki strætó“ statementi. Bílstjórarnir hérna eru ótrúlega aggressívir, keyra mjög hratt og þurfa oftar en ekki að negla niður til að koma í veg fyrir árekstur við umferðina á móti eða kyrrstæða bíla í þröngum götum.

Ég tek strætó heiman frá mér niður í bæ og tek Unibus þaðan upp í skóla. Á mánudaginn fyrir viku síðan var ég komin út á stoppistöðina hjá mér vel fyrir kl. 8, strætó á að koma 8.02. Ég beið og beið, aldrei kom strætó. Næsti vagn á að koma kl. 8.17, hann kom nokkur veginn á réttum tíma, en þar sem að hann var smekkfullur keyrði hann framhjá. Ég tók leigubíl í skólann.

Á föstudaginn ákvað ég að taka Unibusinn niður í bæ og fá mér Subway áður en ég færi heim. Það passaði að þegar ég labbaði út af Subway átti strætó að koma innan nokkurra mínútna. Hann kom ekki kl. 16.04, ekki kl. 16.19, heldur kom hann kl. 16.29. Skemmtilegt.

Í gær ákvað ég að taka Unibusinn til Lonsdale Halls – campusinn þar sem að Tina og Marketa eru. Strætóinn átti að leggja af stað rúmlega 17, en lagði ekki af stað fyrr en 20 mín yfir, þar sem að hinn Unibusinn sem fer niður í bæ, ákvað að leggjast upp að bíl sem var lagt efst uppi við strætóútkeyrsluna, og draga hann með sér smá spöl. Umferðinni var svo beint í gegnum strætóplanið. Bílstjórinn var svo pirraður á þessu að hann stoppaði 2 aðra strætóa sem voru á leiðinni upp í skóla á miðri umferðargötu, til að segja þeim að John, nýji gaurinn, hafi lent í árekstri og væri búinn að stoppa alla umferð.

Sá svo í blaðinu í dag grein undir yfirskriftinni „How (not) to drive a bus.“ Stutt og skemmtileg lesendagrein, mæli með því að þið lesið hana, sjá hér.

Spurning um að kaupa sér bíl í næsta mánuði.

Gaman í skólanum í gær..

2005-10-06T13:53:00.000+01:00

Fengum sönnunargögn til að skoða, teikna upp og skrá :) kunnum það náttúrulega ekki, en við lærum á mistökum.. ótrúlega gaman að fá svona hands-on prufu.. fékk hamar með "blóði" og þremur hárum föstum við :) og vá hvað þetta var gaman, ég get ekki beðið eftir næsta tíma!

Rakst á ansi merkilega grein í The Times í gær, um skóla sem ætlar að kenna nemendum í félagsfræði samsæriskenningar - t.d. vegna dauða Díönu prinsessu og hryðjuverkaárásanna á tvíburaturnana, og efla gagnrýna hugsun nemenda.. kúrsinn heitir Apocalyptic and paranoid cultures.. merkilegast við þetta er að þetta er skólinn minn sem um ræðir.. sjá betur hér, getur verið forvitnilegt :)

Fór í gær í surprise afmælisveislu til Elinu, stelpu frá Finnlandi, og ég skemmti mér mjög vel.. hún ætlar þó að halda stórt partý á föstudaginn, hún var búin að plana það fyrir löngu, þetta í gær var bara svona auka..

Annars er lífið bara ljúft í Derby, ennþá frekar hlýtt hjá okkur, getur þó orðið svolítið kalt á morgnana.. trén eru ennþá ótrúlega græn, nokkur byrjuð að gulna, og mér finnst í rauninni ekki vera kominn vetur.. er samt ekkert að kvarta ;)

Hvað segið þið annars?

Upphafið

2005-10-02T14:10:00.000+01:00

Eyddi fyrstu blogginu og ákvað að byrja aftur... þarf alltaf að vera að fikta sjáið til...

Er í smápásu frá prófalestri - ákvað að skella blogginu inn núna.

Við Ingó erum víst búin að búa hérna úti í rúman mánuð, mamma kom með okkur út og var hjá okkur í eina viku, sem betur fer, höfðum örugglega ekki náð jafnmiklu í verk ef að hún hefði ekki komið með okkur. Fengum íbúðina tveimur dögum eftir að við komum út, gistum til að byrja með á krúttlega bed & breakfast-inu sem við höfðum gist á þegar við komum hingað í byrjun ágúst til að finna íbúð. Mæli sterklega með þessu gistiheimili, mjög kósý, öll herbergin eru með en-suite baðherbergi, ekkert herbergi með eins þema og morgunmaturinn góður.. auk þess sem gistiheimilið er mjög stutt frá okkur og miðbænum. Þau gáfu okkur Ingó kampavín þegar við fórum þaðan í seinna skiptið, til að óska okkur góðs gengis í Derby.. unbelievable :)

Um leið og við fengum íbúðina fórum við 3 í Argos og versluðum fyrir ca. 150.000 kall, og það var ekkert lítið sem við versluðum; sjónvarp, dvd-spilara, vídeo, 2 sófa, borðstofuborð, matvinnsluvél (með tugum aukahluta!), pakka með matarstelli, glösum, bollum, hnífapörum, ýmsum nauðsynlegum eldhúsáhöldum, pottum og pönnum fyrir um 30 pund, ketil, brauðrist og samlokurist, sængur, kodda, vindsængur og örugglega eitthvað fleira sem ég er að gleyma.. höfum síðan farið reglulega að versla í Argos, fórum þangað að ég held á hverjum degi þegar mamma var hérna hehehe.. erum búin að koma okkur þokkalega vel fyrir, vantar bara bókahillur núna, þær eru aldrei til í Argos.. og nei við ætlum ekki að fara neitt annað, langbest að versla þarna :)

Ég byrjaði óformlega í skólanum 13. september, þegar það var sérstök vika fyrir útlenska nemendur við skólann. Það var ótrúlega gaman og maður kynntist haug af fólki. Vikuna eftir það var Induction week, kynningarvika fyrir námið.. ég missti þó af fyrstu 2 dögunum eftir að hafa fengið rangar upplýsingar upp í skóla, eða öllu heldur engar upplýsingar því enginn vissi neitt.. fór upp í skóla á örðum degi þegar ég vissi að það var eitthvað prógramm í gangi, hitti þar strákinn sem sér um forensic science námið, og annan kennara og þeir voru ótrúlega líbó á þessu, gerðu smá grín að mér fyrir að missa af þessu og að því að ég væri frá Íslandi en það var allt í góðu.. strákurinn sem sér um deildina á meira að segja ættingja á Íslandi, þannig að það er nú ekki slæmt :) Versta við það að missa af fyrstu 2 dögunum með samnemendum er sá að ég þekki engan með mér í tímum, kannast við 2 þarna.. en það verður partý 20. okt þannig að ég hlýt að kynnast einhverjum þá.. vonandi verð ég búin að kynnast einhverjum fyrir það.

Skólinn byrjaði formlega 26. sept og vegna mikillar umferðar tafðist helvítis strætóinn þannig að ég var mætt hálftíma of seint, auk þeirra tveggja fyrrgreindu, og þar sem það var búið að brýna fyrir okkur að vera ekki að trufla aðra með því að mæta of seint í tíma þorðum við ekki inn.. verst að hann setti fyrir próf :/ held að það sé þó bara til að sjá hvar við stöndum, held að þetta próf komi ekki inn í lokaeinkuninna, ef svo er þá getur það ekki gilt mikið, þar sem að við eigum að gera 3 verkefni yfir önnina sem gilda samtals 100%. Þetta kemur í ljós.

Ingó er kominn með vinnu hjá DHL, sem þjónustufulltrúi. Hann er búinn að vera á námskeiði núna síðustu viku og verður næstu viku líka. Hann er að vinna á East Midlands Airport sem er rétt fyrir utan Derby, var svo heppinn að strákur sem er með honum á námskeiðinu býr rétt hjá okkur þannig að hann fær far með honum í vinnuna. Verð samt að fara að komast undir stýri, er að verða geðveik á því að þurfa að stóla á strætóana (já þið lásuð rétt, ég tek strætó!), auk þess að þurfa að standa úti í kulda að bíða eftir þeim. Mig langar í bíl...

Ég er búin að kynnast fullt af fólki úr skólanum, aðallega útlendingum þó (og ekki fólki með mér í tímum).. á tvær mjög góðar vinkonur hérna, Tinu frá Portúgal og Marketu frá Tékklandi, þær eiga líklegast eftir að vera mikið í blogginu hérna hjá mér.. við Tina og Ingó erum búin að vera svolítið dugleg við að kíkja út á lífið (Marketa stingur alltaf af til kærastans í London um helgar og missir alltaf af fjörinu), heill haugur af stórum klúbbum hérna.. fórum t.d. á stað sem heitir Zanzibar á síðasta föstudag, hann er á 3 hæðum; á 1. hæð eru nostalgíulögin, á 2. hæð er rokkið og á 3. hæðinni er alvöru Ibiza klúbbastemning.. vissi ekki hvert ég ætlaði - við erum að tala um laser, skuggamynd af konu dansa sýnd á skjávarpa, gógódansarar í litlum fötum og labbandi á höndum, og maður með slípara að sverfa stein og því fylgdi náttúrulega ljósaglæringar.. við vorum fljót að stinga af niður. Svo er ekki verra að það sé pöbb í skólanum mínum.. náðuð þið þessu.. og já hann er opinn á daginn.. hef þó ekki enn farið þangað að degi til, finnst þetta samt alveg stórmerkilegt :)

Hef svo tekið eftir því hvað maður er orðin breskur í hugsun, fór á rokktónleika á stað sem heitir First Floor á föstudagskvöldið (loksins, felt like home) áður en við fórum á Zanzibar, og bjórinn þar kostaði 2.20 pund.. fannst það hræðilega dýrt.. kvíði bara fyrir að koma heim og þurfa að kaupa bjórinn á 600 kall :)

Jæja, þarf að fara að snúa mér að lærdóminum aftur, EastEnders omnibusinn byrjar eftir klukkutíma og ég verð að ná að læra eitthvað áður en þeir byrja. Búin að opna myndaalbúm á netinu, tvö albúm komin þar inn, annars vegar af íbúðinni og hins vegar af kvöldverðinum í Pride Park í útlendingavikunni. Fyrst ég er loksins búin að blogga þá verður bloggað ört.. bara svo erfitt að byrja og ég er örugglega að gleyma helling af hlutum sem mig langaði að segja.. það kemur þá bara seinna :)